ന്യൂഡൽഹി: പുതിയ രാഷ്ട്രീയ പാര്‍ട്ടി പ്രഖ്യാപിച്ച് മുന്‍ ഇന്ത്യന്‍ ഫുട്‌ബോള്‍ നായകന്‍ ബൈച്ചുങ് ബൂട്ടിയ. തൃണമൂൽ കോൺഗ്രസിൽ നിന്ന് വിടപറഞ്ഞാണ് അദ്ദേഹം ഇപ്പോൾ പുതിയ പാർട്ടി രൂപീകരിച്ചിരിക്കുന്നത്. സിക്കിം കേന്ദ്രീകരിച്ചായിരിക്കും ഹംരോ സിക്കിം എന്ന ഈ പാർട്ടി പ്രവർത്തിക്കുന്നത്. പ്രസ് ക്ലബ് ഓഫ് ഇന്ത്യയില്‍ നടന്ന വാര്‍ത്താ സമ്മേളനത്തിനിടെയായിരുന്നു പ്രഖ്യാപനം. യുവജനങ്ങള്‍ക്കായിരിക്കും ഹംരോ സിക്കിം പ്രധാനമായും പ്രാധാന്യം നല്‍കുന്നത്.
Read Also: യുഎസ് നയതന്ത്രജ്ഞന് പാകിസ്ഥാന്റെ യാത്രാവിലക്ക്
കഴിഞ്ഞ ഫെബ്രുവരിയിലാണ് ബൂട്ടിയ തൃണമൂല്‍ ബന്ധം ഉപേക്ഷിച്ചത്. 2013ല്‍ മമത ബാനര്‍ജിയുമായി കൂട്ടുചേര്‍ന്ന് രാഷ്ട്രീയത്തില്‍ ചുവടുറപ്പിച്ച ബൂട്ടിയ പിന്നീട് പാര്‍ട്ടിയില്‍ നിന്ന് രാജി വെച്ചു. 2014ല്‍ ഡാര്‍ജിലിങ് മണ്ഡലത്തില്‍ നിന്ന് മത്സരിച്ചെങ്കിലും ബൂട്ടിയ പരാജയപ്പെട്ടിരുന്നു.
Post Your Comments