കാസർഗോഡ് ; മണല്‍ ലോറിയിടിച്ച് സ്‌കൂട്ടർ യാത്രക്കാരിക്ക് ദാരുണാന്ത്യം. കാസർഗോഡ് ജില്ലയിലെ അടുക്കയില്‍ പരേതനായ സുരേഷിന്റെ ഭാര്യയും,ടൈലറിംഗ് ഷോപ്പ് ഉടമയുമായ ബിന്ദു (44) ആണ് മരിച്ചത്. മുള്ളേരിയ അടുക്കം റോഡില്‍ ശനിയാഴ്ച രാവിലെ 9.30 മണിയോടെയാണ് അപകടം.
മുള്ളേരിയ ടൗണിലെ ടൈലറിംഗ് ഷോപ്പിലേക്ക് രാവിലെ സ്വന്തം സ്‌കൂട്ടറില്‍ പോകവേ അമിത വേഗതയില്‍ എത്തിയ മണല്‍ ലോറി ഇടിക്കുകയായിരുന്നു. തുടര്‍ന്ന് തെറിച്ചുവീണ ബിന്ദുവിന്റെ തലയിലൂടെ ടയര്‍ കയറി ഇറങ്ങുകയും തൽക്ഷണം മരണം സംഭവിക്കുകയുമായിരുന്നു. പോലീസ് സ്ഥലത്തെത്തി മൃതദേഹം കാസർഗോഡ് ജനറൽ ആശുപത്രിയിലേക്ക് മാറ്റി. ശേഷം വേണ്ട നടപടികൾ സ്വീകരിച്ചു.
Also read ;ബൈക്കില്‍ സഞ്ചരിക്കുമ്പോള്‍ ബസിനു മുകളില്‍ വസ്ത്രം കുടുങ്ങി വീട്ടമ്മ മരിച്ചു
Post Your Comments