സഞ്ജുവിന്റെ തകർപ്പൻ ബാറ്റിങ്ങിൽ രാജസ്ഥാന് മിന്നും ജയം

സഞ്ജു വി. സാംസന്റെ ബാറ്റിംഗ് മികവില്‍ റോയല്‍ ചലഞ്ചേഴ്സ് ബാംഗ്ലൂരിനെതിരെ തകർപ്പൻ ജയം സ്വന്തമാക്കി രാജസ്ഥാന്‍ റോയല്‍സ്. റോയല്‍ ചലഞ്ചേഴ്സ് ബാംഗ്ലൂരിനെ 19 റണ്‍സിനാണ് രാജസ്ഥാൻ തകർത്തത്. ഐപിഎല്ലിലെ റണ്‍ വേട്ടക്കാരുടെ പട്ടികയില്‍ ഇതോടെ സഞ്ജു മുന്നിലെത്തി. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ രാജസ്ഥാനുവേണ്ടി ക്യാപ്റ്റന്‍ അജ്യങ്ക്യ രഹാനെയും ഷോര്‍ട്ടും ചേര്‍ന്ന് മികച്ച തുടക്കമാണ് നല്‍കിയത്.

Read Also: ഐപിഎൽ മത്സരത്തിനിടെ യുവതിയെ അപമാനിക്കാൻ ശ്രമം

45 ബോളില്‍ നിന്നാണ് സഞ്ജു 92 റണ്‍സെടുത്തത്. പത്ത് സിക്സുകളും രണ്ട് ബൗണ്ടറികളുമടക്കം മികച്ച പ്രകടനമാണ് താരം കാഴ്ചവെച്ചത്. ക്യാപ്റ്റന്‍ അജിങ്ക്യ രഹാനെ (36) ബെന്‍ സ്റ്റോക്സ് (27) റണ്‍സ് എടുത്ത് സഞ്ജുവിനെ പിന്തുണച്ചതോടെ ബാംഗ്ലൂരിന് 218 റണ്‍സ് വിജയലക്ഷ്യം . അവസാന അഞ്ച് ഒാവറില്‍ രാജസ്ഥാന്‍ അടിച്ചെടുത്തത് 88 റണ്‍സ് ആണ്.