യു.എ.ഇ ജാക്‌പോട്ടിലൂടെ ഭാഗ്യം കടാക്ഷിച്ചത് മലയാളിക്ക്; ലഭിച്ചത് ഒരു മില്യൺ ഡോളർ

ദുബായ്: യു.എ.ഇ ജാക്‌പോട്ടിലൂടെ ഭാഗ്യം കടാക്ഷിച്ചത് മലയാളിക്ക്. ഏപ്രിൽ 10 ചൊവാഴ്ച്ച ദുബായ് ഡ്യൂട്ടി ഫ്രീ മില്ലെനിയം മില്യണയർ നറുക്കെടുപ്പിലാണ് മലയാളിയായ മെക്കാനിക്കിനെ ഭാഗ്യം കടാക്ഷിച്ചത്. പിന്റോ പോൾ തൊമ്മന്നാണ് ഒരു മില്യൺ ഡോളർ ഇതിലൂടെ ലഭിച്ചത്. സുഹൃത്തുമായി ചേർന്നാണ് ഇദ്ദേഹം ഇതിൽ പങ്കെടുത്തത്.

read also: ഒരു മില്യൺ ദിർഹം വില വരുന്ന കവർച്ച നടത്തിയ 2 ദുബായ് സന്ദർശകരെ പിടികൂടി

ഷാർജയിൽ ഒരു ഓട്ടോമോട്ടീവ് വർക്ക്ഷോപ്പിൽ ജോലി ചെയ്യുകയാണ് 36 വയസുകാരനായ തൊമ്മന്ന. സീരീസ് 268 സീരിസിലെ 2465 ടിക്കറ്റിനാണ് 1 മില്യൺ ഡോളർ നേടിയത്. ഓൺലൈൻ വഴിയാണ് ടിക്കറ്റ് ഇയാൾ കരസ്ഥമാക്കിയത്. സുഹൃത്ത് ഫ്രാൻസിസ് സെബാസ്റ്റ്യനുമായി അദ്ദേഹം ഈ സമ്മാന തുക പങ്കിടും.