ഹൈദരാബാദ്: ഫീസ് അടച്ചില്ല വിദ്യാർത്ഥിയെ അധ്യാപിക ക്രൂരമായി മർദ്ദിച്ചു. തിങ്കളാഴ്ച ഹൈദരാബാദ് മീർപേട്ടിലെ കൃഷ്ണവേണി ടാലന്‍റ് സ്കൂളിലെ നാലു വയസുകാരനാണു ക്രൂര മർദ്ധനമേറ്റത്. സ്വരൂപ എന്ന അധ്യാപിക കട്ടിയേറിയ വസ്തു ഉപയോഗിച്ചാണ് കുട്ടിയെ മർദ്ദിച്ചത്. പണമടയ്ക്കാൻ മാതാപിതാക്കളെ നിർബന്ധിക്കുന്നതിന്‍റെ ഭാഗമായി വിദ്യാർഥിയെ മർദിക്കാൻ സ്കൂൾ മാനേജ്മെന്‍റ് ആവശ്യപ്പെടുകയായിരുന്നെന്നാണു പ്രാദേശിക മാധ്യമങ്ങൾ റിപ്പോർട്ട് ചെയുന്നത്.
തുടർന്ന് വീട്ടിലെത്തിയ കുട്ടിയുടെ ശരീരത്തിൽ മർദനമേറ്റ പാടുകൾ ശ്രദ്ധയിൽപ്പെട്ടതിനെ തുടർന്ന് മാതാപിതാക്കൾ പോലീസിനു പരാതി നൽകി, തുടർന്ന് കേസ് രജിസ്റ്റർ ചെയ്ത പോലീസ് അധ്യാപകൻ, സ്കൂൾ പ്രിൻസിപ്പൽ, സ്കൂൾ ഡയറക്ടർ എന്നിവരെ അറസ്റ്റ് ചെയ്തു. ചോദ്യം ചെയ്യലിൽ അധ്യാപിക കുറ്റം സമ്മതിച്ചു. ഐപിസി വകുപ്പുകൾക്കു പുറമേ ജുവനൈൽ ജസ്റ്റിസ് ആക്ടും പ്രതികൾക്കു മേൽ ചുമത്തി. ഇവരെ കോടതിയിൽ ഹാജരാക്കി.
Also read ;ഫീസ് അടച്ചില്ല; വിദ്യാർത്ഥിയോട് അധ്യാപിക ചെയ്‌തത് കൊടും ക്രൂരത
Post Your Comments