പോലിസ് പിന്തുടർന്ന മോഷ്ടിക്കപ്പെട്ട കാർ അപകടത്തിൽപ്പെട്ട് മൂന്ന് മരണം

പോലീസ് പിന്തുടർന്ന മോഷ്ടിക്കപ്പെട്ട കാർ അപകടത്തിൽപ്പെട്ട് മൂന്ന് മരണം. കാറിലുണ്ടായിരുന്ന മറ്റ് മൂന്നുപേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. സൗത്ത് കരോലിനയിൽ ബുധനാഴ്ച രാത്രി 9.30 നായിരുന്നു സംഭവം നടന്നത്.

കൗമാരക്കാരായ ആറുപേർ മോഷ്ടിച്ച കാറുമായി പോകുമ്പോൾ പോലീസ് പിന്തുടർന്നു. പോലീസിനെ കണ്ട് അതിവേഗത്തിൽ ഓടിച്ച കാർ അപകടത്തിൽപെടുകയായിരുന്നെന്ന് ക്രൈസ്റ്റ് ഡീനിസിലെ ഇർമോ പോലീസ് ക്യാപ്റ്റന്റെ റിപ്പോർട്ടിൽ പറയുന്നു. കൊളംബിയയിലെ ഐർമോ വടക്കുപടിഞ്ഞാറൻ നഗരത്തിലായിരുന്നു അപകടം നടന്നത്.

13 നും 18 നും ഇടയിൽ പ്രായം വരുന്ന യുവാക്കളിൽ ആരും സീറ്റ്ബെൽറ്റ് ധരിച്ചിരുന്നില്ലെന്ന് അധികൃതർ പറയുന്നു. മരിച്ച മൂന്നുപേരുടെയും പരിക്കേറ്റ മൂന്നുപേരുടെയും പേരുകൾ പുറത്തുവിട്ടിട്ടില്ല. അവരിൽ ഒരാളുടെ കയ്യിൽ നിന്നും തോക്ക് കണ്ടെത്തിയിരുന്നു. കൊളംബിയയിൽ നിന്നാണ് കാർ മോഷ്ടിച്ചത്.