പന്തല്ലൂര്‍: കാട്ടാനയുടെ മുമ്പിൽപ്പെട്ട ഡിവൈഎസിപിയും ഡ്രൈവറും രക്ഷപ്പെട്ടത് തലനാരിഴയ്ക്ക്. ദേവാല ഡിവൈഎസിപി ശക്തിവേല്‍ ഡ്രൈവർ കൃഷ്ണമൂര്‍ത്തി എന്നിവരാണ് ചൊവ്വാഴ്ച പുലര്‍ച്ചെ കരിയശോലയില്‍വച്ച്‌ കാട്ടാനയ്ക്ക് മുമ്പിൽ പെട്ടത്. പോലിസ് ജീപ്പിന്റെ ചില്ലുകൾ ആന തകർത്തു.
പോലീസ് വാഹനം ആനയുടെ മുമ്പിൽ പെട്ടതോടെ ഓടി എത്തിയ ഡ്രൈവറുടെ ഭാഗത്ത് ആന കൊമ്പുകൊണ്ട് കുത്തി. അതോടെ ഗ്ലാസ് തകർന്ന് വീണെങ്കിലും ധൈര്യം കളയാതെ കൃഷ്ണമൂര്‍ത്തി വാഹനം വെട്ടിച്ച്‌ മുന്‍പോട്ട് വണ്ടിയെടുത്ത് രക്ഷപ്പെടുകയായിരുന്നു.
ആന കുറച്ചുനേരം ജീപ്പിനു പുറകെ ഓടി. പാക്കണ ഭാഗത്ത് സ്ഥിരം ശല്യക്കാരനായ ഒറ്റയാനാണ് ഇവരെ ആക്രമിച്ചത്. ഈ ആനയെ വനത്തിലേക്ക് തുരത്താന്‍ ഇതു വരെയും കഴിഞ്ഞിട്ടില്ല.
Post Your Comments