രാജ്ഗുരു-ആര്‍എസ്എസ് ബന്ധത്തെ കുറിച്ച് കൊച്ചുമക്കള്‍

മുംബൈ: ഭഗത് സിംഗിനും സുഖ്‌ദേവിനുമൊപ്പം വധശിക്ഷയ്ക്ക് വിധേയനായ രാജ്ഗുരുവിന്റെ ആര്‍എസ്എസ് ബന്ധത്തെ കുറിച്ച് കൊച്ചുമക്കള്‍. ആര്‍എസ്എസുമായി രാജ്ഗുരുവിന് യാതൊരു ബന്ധവും ഇല്ലെന്നാണ് കൊച്ചുമക്കള്‍ പറയുന്നത്. ആര്‍എസ്എസ് പ്രചാരകനും പത്രപ്രവര്‍ത്തകനുമായ നരേന്ദര്‍ സെഗാള്‍ എഴുതിയ ‘ഭാരത് വര്‍ഷ് കീ സര്‍വാംഗ് സ്വതന്ത്രത’ എന്ന പുസ്തകത്തിലാണു രാജ്ഗുരുവിന് ആര്‍എസ്എസ് ബന്ധം ഉള്ളതായി പറയുന്നത്.

രാജ്ഗുരുവിന് ആര്‍എസ്എസ് ബന്ധമുണ്ടെന്നു തെളിയിക്കാന്‍ യാതൊരു രേഖകളുമില്ലെന്നു കൊച്ചുമക്കളായ സത്യശീല്‍, ഹര്‍ഷവര്‍ധന്‍ എന്നിവര്‍ പുനെയില്‍ പറഞ്ഞു. ‘രാജ്ഗുരു രാജ്യത്തിനു വേണ്ടി വിപ്ലവകാരിയായി, അദ്ദേഹത്തിന്റെ പേര് ഏതെങ്കിലും പ്രത്യേക സംഘടനയുമായി ബന്ധപ്പെടുത്താന്‍ പാടില്ലെന്നും’ അവര്‍ പറഞ്ഞു.