ഗാലക്‌സി മോഡലുകൾക്ക് വൻ വിലക്കുറവുമായി സാംസങ്

ഗ്യാലക്സി S8, S8 പ്ലസ് ഫോണുകളുടെ വില കുത്തനെ കുറച്ച് സാംസങ്. S9, S9 പ്ലസ് ഹാൻഡ്സെറ്റുകൾ അവതരിപ്പിച്ചതിന്റെ പിന്നാലെയാണ് പഴയ ഫോണുകൾക്ക് വില കുറച്ചിരിക്കുന്നത്. ഗ്യാലക്സി S8 (64 ജിബി) മോഡൽ 49,990 രൂപയ്ക്കും ഗ്യാലക്സി S8 പ്ലസ് (64 ജിബി) മോഡൽ 53,990 രൂപയ്ക്കുമാണ് വിൽക്കുന്നത്.

Read Also: ബി.ജെ.പി നേതാവ് പ്രധാനമന്ത്രിയുടെ കോലം കത്തിച്ചു

ഗ്യാലക്സി S8, ഗ്യാലക്സി S8 പ്ലസ് ഹാൻഡ്സെറ്റുകൾ ആൻഡ്രോയിഡ് ഒറിയോ അപ്‍ഡേഷനും നൽകുന്നുണ്ട്. ഇതിനു പുറമെ പേടിഎം വഴി 10,000 രൂപയുടെ ക്യാഷ്ബാക്ക് ഓഫറും നല്‍കുന്നുണ്ട്. സാംസങിന്റെ ഫ്ലാഗ്ഷിപ് മോഡലായ S8, S8 പ്ലസ് എന്നിവ കഴിഞ്ഞവർഷം ഏപ്രിലിലാണ് ഇന്ത്യൻ വിപണിയിലെത്തിയത്. 5.9 ഇഞ്ച് സ്‌ക്രീന്‍ വേർഷൻ എസ്8, 6.2 ഇഞ്ച് സ്‌ക്രീന്‍ വേർഷൻ, ഐറിസ് സ്കാനർ, വിരലടയാളം, മുഖം എന്നിവയാണ് ഫോണിന്റെ ഏറ്റവും വലിയ പ്രത്യേകതകൾ.