കവിയും സിപിഎം വിമർശകനുമായ കെ.സി. ഉമേഷ് ബാബുവിന്റെ വീടിനു നേരെ ആക്രമണം

കണ്ണൂർ: സിപിഎം വിമർശകനും കവിയുമായ കെ.സി. ഉമേഷ് ബാബുവിന്റെ വീടിനു​ നേരെ ബൈക്കിലെത്തിയ രണ്ടംഗസംഘത്തിന്റെ ആക്രമണം.ബൈക്കിലെത്തിയ സംഘം വീടിന് നേരെ ട്യൂബ്​ലൈറ്റ്​ എറിഞ്ഞു. കഴിഞ്ഞ ദിവസം രാവിലെയായിരുന്നു സംഭവം. വീടിന്റെ ജനൽ ലക്ഷ്യമിട്ട് അക്രമികൾ ട്യൂബ്‌ലൈറ്റ് എറിയുകയായിരുന്നു.ഉമേഷ് ബാബുവിന്റെ കണ്ണൂരിലെ പാറക്കണ്ടിയിലെ വീടായ ‘കൽനില’ക്കുനേരെയായിരുന്നു ആക്രമണം

also read:കണ്ണൂർ കൊലപാതകം ;പ്രതികളുടെ കാര്യത്തിൽ പാർട്ടിയുടെ തീരുമാനം ഇങ്ങനെ

അക്രമികൾ ട്യൂബ്‌ലൈറ്റ് എറിഞ്ഞപ്പോൾ ഉമേഷ് ബാബുവും മകളും സോഫയിലിരിക്കുകയായിരുന്നു. ജനൽചില്ല്​ തകർന്നിരുന്നുവെങ്കിൽ പരിക്കേൽക്കുമായിരുന്നുവെന്നും അക്രമികൾ ആരാണെന്ന്​ അറിയില്ലെന്നും ഉമേഷ്​ ബാബു പറഞ്ഞു. കണ്ണൂർ ടൗൺ എസ്​.​ഐയുടെ നേതൃത്വത്തിൽ പൊലീസ്​ സ്​ഥലത്തെത്തി പരിശോധന നടത്തി. അടിയന്തരാവസ്​ഥക്കാലത്ത്​ എസ്​.എഫ്​.ഐ യിലൂടെ രാഷ്​ട്രീയപ്രവർത്തനം തുടങ്ങിയ ഉമേഷ്​ ബാബു സി.പി.എമ്മി​​ന്റെ സാംസ്​കാരികവേദികളിലെ നിറസാന്നിധ്യവും സ്​ഥിരം പ്രസംഗകനുമായിരുന്നു. പാർട്ടിയുടെ നയവ്യതിയാനങ്ങൾ കവിതകളിൽ പ്രതിഫലിച്ചതോടെ 2007ൽ അദ്ദേഹത്തെ പാർട്ടി പുറത്താക്കുകയായിരുന്നു.