ചോദ്യപേപ്പർ ചോർച്ച; പരീക്ഷാ കണ്‍ട്രോളറെ ചോദ്യം ചെയ്‌തത്‌ നാല് മണിക്കൂർ

ന്യൂഡല്‍ഹി: സിബിഎസ്ഇ ചോദ്യപേപ്പർ ചോർന്ന സംഭവത്തിൽ പരീക്ഷാ കണ്‍ട്രോളറെ ഡല്‍ഹി ക്രൈംബ്രാഞ്ച്​ നാലു മണിക്കൂര്‍ ചോദ്യം ചെയ്​തു. സിബിഎസ്ഇ പത്താം ക്ലാസ് കണക്ക്, പന്ത്രണ്ടാം ക്ലാസ് എക്കൊണോമിക്‌സ് എന്നീ ചോദ്യപേപ്പറുകളാണ് ചോർന്നത്. തുടർന്ന് രണ്ട് പരീക്ഷകളും റദ്ദാക്കിയിരുന്നു. പരീക്ഷയുടെ തലേ ദിവസം തന്നെ കുട്ടികളുടെ കൈയിൽ ചോദ്യപേപ്പർ എത്തിയെന്നാണ് വിവരം.

also read:ചോദ്യപേപ്പർ ചോർച്ച ; കർശന നടപടി വേണമെന്ന് പ്രധാനമന്ത്രി

ചോദ്യ​പേപ്പറുകള്‍ക്ക്​ എന്തെല്ലാം സുരക്ഷ ഒരുക്കിയിരുന്നു, എങ്ങനെയാണ്​ ഇവ അച്ചടിച്ചത്​, എങ്ങനെയാണ്​ പരീക്ഷാ കേന്ദ്രങ്ങളിലേക്ക്​ കൊണ്ട​ുപോയത്​ തുടങ്ങിയ കാര്യങ്ങളാണ്​ പരീക്ഷാ നടത്തിപ്പ്​ ചുമതലയുണ്ടായിരുന്ന രണ്ടു ഉദ്യോഗസ്​ഥരോടും നാലു മണിക്കൂര്‍ ചോദ്യം ചെയ്യലിനിടെ അന്വേഷിച്ചത്​. ചോദ്യ പേപ്പര്‍ 35000 രൂപക്ക്​ വിറ്റതായും ഇത്​ 5000 രൂപക്ക്​ മറിച്ചുവിറ്റതായും പൊലീസിന്​ സൂചന ലഭിച്ചിട്ടുണ്ട്​.