കോയമ്പത്തൂർ ; പ്രതികളുമായി പോയ പൊലീസ് വാഹനം കൊക്കയിലേയ്ക്കു മറിഞ്ഞു. സംഭവത്തിൽ ദുരൂഹത. ഏഴു പ്രതികളുമായി ഊട്ടിയില്‍ നിന്നും ചെന്നൈയിലേയ്ക്ക് പോകുകയായിരുന്ന പൊലീസ് വാഹനം മേട്ടുപ്പാളയത്തിനടുത്ത് കല്ലാര്‍ ചുരത്തിലെ രണ്ടാം വളവില്‍ കൊക്കയിലേയ്ക്കു മറിഞ്ഞ്‌ പൊലീസുകാരുള്‍പ്പെടെ 14 പേര്‍ക്കാണ് പരിക്കേറ്റത്.
ഇന്നലെ പന്ത്രണ്ടരയോടെയായിരുന്നു അപകടം. പൊലീസ് വാന്‍ 150 അടി താഴ്ചയിലേക്കു മറിഞ്ഞെങ്കിലും മരത്തില്‍ തങ്ങി നിന്നതിനാല്‍ വന്‍ ദുരന്തമാണ്‌ ഒഴിവായത്. വീഴ്ചയില്‍ വാഹനം പൂർണമായും തകർന്നു. പരുക്കേറ്റവരെ മേട്ടുപ്പാളയം ഗവ.ആശുപത്രിയില്‍ പ്രവേശിപ്പിച്ച് പ്രാഥമിക ശുശ്രൂഷ നല്‍കി. ശേഷം കൂടുതല്‍ പൊലീസുകാരെത്തി പ്രതികളെ ചെന്നൈയിലേക്കു കൊണ്ടുപോയി. സംഭവത്തിൽ ദുരൂഹതയുള്ളതിനാൽ അപകടത്തെ കുറിച്ച് അന്വേഷണം ആരംഭിച്ചതായാണ് സൂചന.
Also read ;റേഡിയോ ജോക്കിയുടെ കൊലപാതകം ; മൂന്നു പേർ കസ്റ്റഡിയിൽ
Post Your Comments