അഹമ്മദാബാദ്: പോര്‍ബന്തറില്‍ ഇന്ത്യന്‍ നാവിക സേനയുടെ പൈലറ്റില്ലാ വിമാനം തകര്‍ന്നു വീണതായി റിപ്പോർട്ട്. നാവികസേനയുടെ വക്താവാണ് ഇത് സംബന്ധിച്ച വിവരം അറിയിച്ചത്. വ്യാഴാഴ്ച രാവിലെ പത്ത് മണിയോടെയായിരുന്നു അപകടം. നാവികസേന എയര്‍ ബേസില്‍ നിന്ന് യാത്ര ആരംഭിച്ച ഉടന്‍ തന്നെ വിമാനം തകർന്നു വീഴുകയായിരുന്നു. എഞ്ചിന്‍ തകരാറായതിനെ തുടര്‍ന്നാണ് അപകടമെന്നും ആളപയാമില്ലെന്നും നാവികസേന അറിയിച്ചു. കഴിഞ്ഞ വര്‍ഷം നവംബര്‍ മാസം കൊച്ചിയിലെ വില്ലിംഗ്ടണ്‍ ദ്വീപിലെ നേവല്‍ ബേസിലും ഇതേ പൈലറ്റില്ലാ വിമാനം തകര്‍ന്ന് വീണിരുന്നു.
Post Your Comments