കോട്ടയം: തന്റെ ഭാര്യയെയാണ് അപമാനിച്ചതെങ്കില്‍ ജോസ് കെ.മാണിയെ പോലെയാകില്ല താൻ പ്രതികരിക്കുകയെന്ന് ഷോണ്‍ ജോര്‍ജ്. സ്വന്തം ഭാര്യയെ ഒരാൾ അപമാനിച്ചുവെന്ന് അറിഞ്ഞാൽ അവന്റെ കരണത്ത് അടിക്കാതെ, കാൽ ചവിട്ടി ഒടിക്കാതെ വീട്ടിൽ വന്ന് കിടന്ന് ഉറങ്ങാൻ ആകില്ലെന്നും അദ്ദേഹം പറഞ്ഞു. തനിക്കെതിരെ ഉയർന്ന ആരോപണങ്ങളിൽ പ്രതികരിക്കുകയായിരുന്നു അദ്ദേഹം.
also read:നിഷയ്‌ക്കെതിരെയുള്ള ഷോണ്‍ ജോര്‍ജിന്റെ പരാതി പോലീസ് തള്ളി
എന്തുകൊണ്ടാണ് നിഷയ്ക്ക് വ്യക്തിയുടെ പേര് വെളിപ്പെടുത്താനാകാത്തത്. ആരോപണങ്ങൾ തനിക്ക് നേരെയാണ് തിരിയുന്നതെന്നും ഷോൺ പറഞ്ഞു. ജിഷാ ജോസ് ആരോപണ വിധേയന്റെ പേര് വെളിപ്പെടുത്തിയില്ലെങ്കില്‍ കോടതിയില്‍ മാനനഷ്ടത്തിന് കേസ് ഫയല്‍ ചെയ്യാനാണ് ഷോണിന്റെ തീരുമാനം.
സോളാര്‍ കേസില്‍ സരിത ജോസ്.കെ.മാണിയോട് കാണിച്ച മര്യാദയെങ്കിലും നിഷ എന്നോട് കാണിക്കണം. സംഭവത്തില്‍ ഉള്‍പ്പെട്ട ടി.ടി.ആറിനെ ചോദ്യം ചെയ്താല്‍ കാര്യങ്ങള്‍ വ്യക്തമാകും. ഏതെങ്കിലും മുന്നണി താത്പര്യത്തിന് വേണ്ടി ജോസ്.കെ.മാണി ഭാര്യയെ അപമാനിച്ചവന്റെ പേര് വെളിപ്പെടുത്താതിരിക്കുന്നതാണോ എന്ന് തനിക്കറിയില്ലെന്നും ഷോണ്‍ അഭിപ്രായപ്പെട്ടു.
Post Your Comments