തിരിച്ചുപിടിക്കാനൊരുങ്ങി ഡോക്കോമ; അതിശയിപ്പിക്കുന്ന വമ്പന്‍ ഒഫറുകളുടെ പെരുമഴ ഇങ്ങനെ

പണ്ടെപ്പൊഴോ നഷ്ടപ്പെട്ടുപോയ പ്രതാപം തിരിച്ചുപിടിക്കാനരുങ്ങി ഡോക്കോമ രംഗത്ത്. നിലവിലെ എല്ലാ ടെലികോം കമ്പനികള്‍ക്കും വെല്ലുവിളിയുമായാണ് ഡോക്കോമ ഇപ്പോള്‍ രംഗത്തെത്തിയിരിക്കുന്നത്. വെറും 119 രൂപയ്ക്ക് 28 ദിവസത്തേക്ക് 39.2 ജിബി ഡേറ്റയാണ് ഡോക്കോമയുടെ വാഗ്ദാനം.

Also Read : ദുരുപയോഗം: ഇന്റർനെറ്റ് സേവനം 2 ജിയായി പരിമിതപ്പെടുത്താന്‍ ടെലികോം കമ്പനികള്‍ക്ക് നിര്‍ദ്ദേശം

ഡോക്കോമ പ്ലാന്‍ പ്രകാരം അണ്‍ലിമിറ്റഡ് കോളുകള്‍ക്കൊപ്പം ദിവസം 1.4 ജിബി ഡേറ്റ, 100 എസ്എംഎസുകള്‍ എന്നിവയും ലഭിക്കും. ദിവസം 250 മിനിറ്റുകളും ആഴ്ചയില്‍ 10,000 മിനിറ്റുകളും സംസാരിക്കാം. 119 പ്ലാന്‍ കൂടാതെ 179,229,348,349,499 പ്ലാനുകളും ഡോക്കോമ അവതരിപ്പിച്ചിട്ടുണ്ട്.

ജിയോ നല്‍കുന്നത് 149 രൂപയുടെ ജിയോ പ്ലാനില്‍ 28 ദിവസത്തേക്ക് പ്രതിദിനം 1 ജിബി ഡേറ്റയും. എന്നാല്‍ ഡോക്കോമ നല്‍കുന്നത് ഈ പ്ലാന്‍ തിരഞ്ഞെടുത്ത വരിക്കാര്‍ക്ക് മാത്രമാണ്. ജിയോയാണ് കുറച്ച് കാലങ്ങളായി വന്‍ ഓഫറുകള്‍ നല്‍കിക്കൊണ്ടിരുന്നത്. എന്നാല്‍ ഇപ്പോള്‍ ഡോക്കോമ ജിയോയ്ക്കും വെല്ലുവിളയുയര്‍ത്തിയിരിക്കുകയാണ്.