മലയാളിയെ തേടി വീണ്ടും ഭാഗ്യദേവത; കണ്ണടച്ച് തുറക്കും മുന്‍പ് സ്വന്തമായത് 12 കോടി രൂപ

അബുദാബി•അബുദാബി ബിഗ്‌ ടിക്കറ്റ് നറുക്കെടുപ്പില്‍ വീണ്ടും പ്രവാസി മലയാളി വിജയിയായി.

തന്‍സിലാസ് ബാബു മാത്യു ആണ് 7 മില്യണ്‍ ദിര്‍ഹം (ഏകദേശം 12.40 കോടി ഇന്ത്യന്‍ രൂപ) ഒരു റാഫിളില്‍ വിജയിച്ചത്.

ബിഗ്‌ ടിക്കറ്റ് അബുദാബിയില്‍ നിന്ന് വാങ്ങിയ ടിക്കറ്റ് നമ്പര്‍ 030202 ആണ് ബാബു മാത്യുവിനെ വിജയിയാക്കിയത്.

എന്നാല്‍, ബാബു മാത്യുവിനെ മാത്രമല്ല ഇന്നത്തെ നറുക്കെടുപ്പില്‍ ഭാഗ്യം തേടിയെത്തിയത്.

എട്ട് വിജയികളില്‍ 7 പേരും ഇന്ത്യക്കാരാണ്. ഇവരില്‍ മലയാളി പ്രവാസികളും ഉള്‍പ്പെടുന്നുണ്ട്. ഒരാള്‍ ബഹ്‌റൈന്‍ സ്വദേശിയാണ്. ബാബു മാത്യുവിന് പുറമെയുള്ള വിജയികള്‍ക്ക് 100,000 ദിര്‍ഹം (ഏകദേശം 17.71 ലക്ഷം ഇന്ത്യന്‍ രൂപ) വീതം സമ്മാനം ലഭിക്കും.

വിജയികളുടെ പട്ടിക കാണാം.