നീ​ര​വ് മോ​ദി​യു​ടെ ആ​ഡം​ബ​ര കാ​റു​ക​ള്‍ കണ്ടുകെട്ടി

മും​ബൈ: പ​ഞ്ചാ​ബ് നാ​ഷ​ണ​ല്‍ ബാ​ങ്ക് ത​ട്ടി​പ്പ് കേ​സി​ലെ പ്ര​തി നീ​ര​വ് മോ​ദി​യു​ടെ ആ​ഡം​ബ​ര കാ​റു​ക​ള്‍ എ​ന്‍​ഫോ​ഴ്സ്മെ​ന്‍റ് പി​ടി​ച്ചെ​ടു​ത്തു.പഞ്ചാബ് നാഷ്ണല്‍ ബാങ്കില്‍നിന്ന് 11,000 കോടി രൂപ പറ്റിച്ച് മുങ്ങിയ നീരവ് മോദിയുടെ ഗ്യാരേജില്‍നിന്നാണ് എന്‍ഫോഴ്‌സ്‌മെന്റ് ഉദ്യോഗസ്ഥര്‍ ആഢംബര കാറുകള്‍ കണ്ടുകെട്ടിയത്. ത​ട്ടി​പ്പ് കേ​സു​മാ​യി ബ​ന്ധ​പ്പെ​ട്ട് നി​ര​വ​ധി സ്ഥ​ല​ങ്ങ​ളി​ല്‍ ക​ഴി​ഞ്ഞ ദി​വ​സ​വും എ​ന്‍​ഫോ​ഴ്സ്മെ​ന്‍റ് പ​രി​ശോ​ധ​ന ന​ട​ത്തി​യി​രു​ന്നു.

മും​ബൈ, ബം​ഗ​ളൂ​രു, അ​ഹ​മ്മ​ദാ​ബാ​ദ്, ചെ​ന്നൈ, ബി​ഹാ​ര്‍, ല​ക്​നോ, ഹൈ​ദ​രാ​ബാ​ദ്, ഡ​ല്‍​ഹി എ​ന്നി​വി​ട​ങ്ങ​ളി​ലെ വി​വി​ധ കേ​ന്ദ്ര​ങ്ങ​ളി​ലാ​ണ് ക​ഴി​ഞ്ഞ ദി​വ​സം എ​ന്‍​ഫോ​ഴ്സ്മെ​ന്‍റ് പ​രി​ശോ​ധ​ന ന​ട​ത്തി​യ​ത്. നീ​ര​വ് മോ​ദി​യു​ടെ മും​ബൈ​യി​ലെ വീ​ട്ടി​ലും പ​രി​ശോ​ധ​ന ന​ട​ത്തി​യി​രു​ന്നു. ഏ​ക​ദേ​ശം 5,674 കോ​ടി​യു​ടെ സ്വ​ത്തു​ക്ക​ള്‍ പി​ടി​ച്ചെ​ടു​ത്തി​ട്ടു​ണ്ടെ​ന്ന് എ​ന്‍​ഫോ​ഴ്​സ​മെ​ന്‍റ് അ​റി​യി​ച്ചി​രു​ന്നു.

പഞ്ചാബ് നാഷ്ണല്‍ ബാങ്കില്‍നിന്ന് കബളിപ്പിച്ച പണത്തിന് തത്തുല്യമായ സ്വത്തുക്കള്‍ കണ്ടുകെട്ടുന്നതിന്റെ ഭാഗമായാണ് ഇത്തരം നടപടികളുമായി എന്‍ഫോഴ്‌സ്‌മെന്റ് മുന്നോട്ടു പോകുന്നത്. താന്‍ കുറ്റക്കാരനല്ലെന്നും പിഎന്‍ബിയുടെ ‘അപവാദ പ്രചരണങ്ങള്‍’ തന്റെ ബ്രാന്‍ഡിനെ തകര്‍ത്തുവെന്നുമുള്ള വാദമാണ് ഇപ്പോഴും മോദി ഉന്നയിക്കുന്നത്. അഞ്ചര കോടി രൂപ വില വരുന്ന റോള്‍സ് റോയ്‌സ് ഗോസ്റ്റ്, ഒന്നര കോടി വിലയുള്ള രണ്ട് ബെന്‍സ് ജിഎല്‍ ക്ലാസ് കാറുകള്‍, രണ്ടു കോടി രൂപ വിലയുള്ള പോര്‍ഷെ പനമെര, മൂന്ന് ഹോണ്ടയുടെ കാറുകള്‍, ടൊയോട്ടയുടെ ഫോര്‍ച്ച്യൂണര്‍, ഇന്നോവ എന്നീ കാറുകളാണ് നീരവ് മോദിയുടെ ഗ്യാരേജില്‍നിന്ന് ഇഡി പിടിച്ചെടുത്തത്.