തിരുവനന്തപുരം : മൃഗശാലയില്‍ സിംഹത്തിന്റെ കൂട്ടിലേക്ക് ഒരാള്‍ ചാടി.ഇന്നു രാവിലെയായിരുന്നു സംഭവം.ഇയാളെ ജീവനക്കാര്‍ ചേര്‍ന്ന് രക്ഷപ്പെടുത്തിയ ശേഷം ആശുപത്രിയിലാക്കി. കൂട്ടിൽ ഒരു സിംഹം ആയിരുന്നു ഉണ്ടായിരുന്നത്. സിംഹം ഇയാളുടെ അടുത്ത് വരെ എത്തിയിരുന്നു. എന്നാൽ ജീവനക്കാർ സിംഹത്തെ ഓടിച്ചാണ് ഇയാളെ രക്ഷപെടുത്തിയത്. ഇയാൾക്ക് കാലിനും മറ്റും പരിക്കേറ്റിട്ടുണ്ട്. രാവിലെ 11.45-ഓടെയായിരുന്നു സംഭവം.
ഒറ്റപ്പാലം സ്വദേശി മുരുകന് (45) ആണ് സിംഹത്തിന്റെ കൂടിനു മുന്നിലെ മതില്‍ കടന്ന് കിടങ്ങിലേക്ക് ചാടിയത്. മുരുകന് മാനസികാസ്വസ്ഥം ഉളളതായിട്ടാണ് സംശയിക്കുന്നത്. ഇയാളുടെ പേരില്‍ ആത്മഹത്യശ്രമത്തിനും അതിക്രമിച്ച്‌ കയറിയതിനും വന്യമൃഗത്തെ ആക്രമിക്കാന്‍ ശ്രമിച്ചതിനും കേസെടുക്കും.
വീഡിയോ കാണാം : courtesy kairali TV
Post Your Comments