ലോകത്തിലെ ഏറ്റവും അമൂല്യവജ്രം വില്‍ക്കാന്‍ ഒരുങ്ങുന്നു

ലണ്ടന്‍: ലോകത്തിലെ ഏറ്റവും അമൂല്യവജ്രം വില്‍ക്കാന്‍ ഒരുങ്ങുന്നു. ലണ്ടനിലാണ് ഏറ്റവും അമൂല്യവജ്രം ലേലത്തിനൊരുങ്ങുന്നത്. 102.34 കാരറ്റ് ശുദ്ധിയുള്ള വജ്രത്തിന് ഏകദേശം 212 കോടി രൂപ(3.3 കോടി ഡോളര്‍)വിലയാണ് സംഘാടകര്‍ പ്രതീക്ഷിക്കുന്നത്. ന്യൂയോര്‍ക്ക് ആസ്ഥാനമായുള്ള സൗത്ത്ബീസ് ഗ്രൂപ്പാണു ലേലത്തിന്റെ സംഘാടകര്‍.

Read Also: പ്രപഞ്ചത്തില്‍ ഇതുവരെ കണ്ടിട്ടില്ലാത്ത ഒരു നിഗൂഢ വസ്തുവിനെ കുറിച്ചാണ് ഇപ്പോള്‍ ലോകത്തെ ചര്‍ച്ച : അതിന്റെ ഉറവിടത്തെ കുറിച്ച് അജ്ഞാതം

ബോട്‌സ്വാനയിലെ ഖനിയില്‍ നിന്നാണു കുഴിച്ചെടുത്ത ഈ വജ്രം ഏറ്റവും അമൂല്യമായതും ശുദ്ധിയുള്ളതുമായ വെളുത്ത വജ്രക്കല്ലാണെന്ന് സൗത്ത്ബീസ് അഭിപ്രായപ്പെട്ടു. വ്യാഴാഴ്ച സൗത്ത്ബീസിന്റെ ലണ്ടനിലെ ഷോറൂമില്‍ വജ്രം പ്രദര്‍ശിപ്പിച്ചിരുന്നു.