മാഡ്രിഡ്: ചരിത്ര നേട്ടം കുറിച്ചിരിക്കുകയാണ് റയല്‍ മാഡ്രിഡ് താരവും നായകനുമായ സര്‍ജിയോ റാമോസ്. തുടര്‍ച്ചയായി 14 ലാ ലീഗ സീസണുകളില്‍ ഗോള്‍ നേടുന്ന ആദ്യ പ്രതിരോധ താരേെമന്ന ചരിത്ര നേട്ടമാണ് റാമോസ് സ്വന്തമാക്കിയിരിക്കുന്നത്.
ലെവന്റെക്കെതിരായ മത്സരത്തില്‍ ഗോള്‍ നേടിയാണ് റാമോസ് നേട്ടം കൊയ്തത്. മത്സരത്തിന്റെ 11-ാം മിനിറ്റിലായിരുന്നു റാമോസിന്റെ ചരിത്ര ഗോള്‍ പിറന്നത്. ടോണി ക്രൂസ് എടുത്ത കോര്‍ണറിന് ഹെഡറിലൂടെയാണ് റാമോസ് ഗോള്‍ കണ്ടെത്തിയത്. ലാലിഗയില്‍ റാമോസിന്റെ 50-ാം ഗോള്‍ കൂടിയായിരുന്നു ഇത്.
അതേ സമയം മത്സരം സമനിലയില്‍ അവസാനിക്കുകയായിരുന്നു. ഇരു ടീമുകളും ഓരോ ഗോള്‍ വീതം നേടി. 21 മത്സരങ്ങളില്‍ നിന്ന് 39 പോയിന്റുള്ള റയല്‍ നാലാം സ്ഥാനത്താണ്.
Post Your Comments