ചൈനയെ മറി കടന്ന് ഇന്ത്യ ഒന്നാം സ്ഥാനത്തേക്ക് : യു.എന്‍ റിപ്പോര്‍ട്ട് പുറത്തുവിട്ടു

യു.എന്‍: അടുത്ത ആറു വര്‍ഷത്തിനുള്ളില്‍ ചൈനയെ മറി കടന്ന് ഇന്ത്യ ഒന്നാം സ്ഥാനത്തെത്തുമെന്ന് റിപ്പോര്‍ട്ട്. ജനസംഖ്യയുടെ കാര്യത്തിലാണ് യു.എന്‍ പുതിയ റിപ്പോര്‍ട്ട് പുറത്തുവിട്ടിരിക്കുന്നത്. എന്നാല്‍ അടുത്ത മുപ്പത്തിയേഴു വര്‍ഷം കൊണ്ട് (2035-2040)മാത്രമേ ജനസംഖ്യ കുറയ്ക്കാന്‍ സാധിക്കുകയുള്ളുവെന്നും യു.എന്‍ സര്‍വെ റിപ്പോര്‍ട്ട്. ഇപ്പോഴത്തെ കണക്കനുസരിച്ച് കുട്ടികളുടെ ജനനനിരക്ക് 2.0 ആണ്.

യുഎന്‍ ഇക്കണോമിക് സോഷ്യല്‍ അഫയേഴ്‌സിന്റെ ജനസംഖ്യ വിഭാഗം നടത്തിയ സര്‍വെയിലാണ് ഇക്കാര്യം സൂചിപ്പിച്ചിരിക്കുന്നത്. 2061 -ഓടെ ഇന്ത്യയ്ക്ക് ജനസംഖ്യ പരമാവധിയെത്തുമെന്നും സര്‍വെയില്‍ പറയുന്നു. എന്നാല്‍ 2061 ആകുമ്പോഴേക്കും ജനന നിരക്ക് 1.8 ലേക്ക് കുറയ്ക്കാന്‍ സാധിക്കുമെന്നാണ് പ്രതീക്ഷ.

ഇന്ത്യയിലെ ജനസംഖ്യയില്‍ ഇതുവരെ 33.9 കോടിയുടെ വര്‍ധനവാണ് ഉണ്ടായതെന്നാണ് കണക്കുകള്‍ പറയുന്നത്. സ്ത്രീ-പുരുഷ ആനുപാതം തുല്യപ്പെടുത്താനും ഇതിലൂടെ സാധിക്കുമെന്നും റിപ്പോര്‍ട്ടുകള്‍ സൂചിപ്പിക്കുന്നു. ജനന നിരക്ക് കുറയ്ക്കുമ്‌ബോള്‍ മുതിര്‍ന്നവരുടെ എണ്ണത്തില്‍ വര്‍ധനവുണ്ടാകുമെന്നും വിലയിരുത്തുന്നു.

അതേസമയം, ഇന്ത്യയുടെ ജനസംഖ്യ രണ്ടായിരം കോടി മറി കടക്കുമോ തീരുമാനിക്കുന്നത് ജനനനിരക്കിനെ അപേക്ഷിച്ചായിരിക്കും, പ്രത്യേകിച്ച് ജനസംഖ്യ അധികമുള്ള പ്രദേശങ്ങളെ ഉദ്ദേശിച്ചാണ് ഈ വിലയിരുത്തല്‍ . 2017-ലെ കണക്ക് പ്രകാരം ഇന്ത്യയിലെ ജനസംഖ്യ ഇപ്പോള്‍ ആനുപാതികമാണ്. ഇത് നിലനിര്‍ത്താന്‍ സാധിച്ചാല്‍ ജനസംഖ്യ നിരക്ക് നമുക്ക് കുറയ്ക്കാന്‍ സാധിക്കും. എന്നാല്‍ ഇപ്പോഴത്തെ നിരക്ക് നിലനിര്‍ത്തുക എന്നത് വലിയൊരു വെല്ലുവിളിയാണ്.