പൂനെ: ഇന്നലെ പൂനെ സിറ്റി എഫ്‌സിക്ക് എതിരെ നടന്ന മത്സരത്തില്‍ അവസാന നിമിഷത്തിലെ സികെ വിനീതിന്റെ അത്ഭുത ഗോള്‍ കേരള ബ്ലാസ്റ്റേഴ്‌സിന് വിജയം നേടി കൊടുത്തിരിക്കുകയാണ്. ഇരു ടീമും ഓരോ ഗോള്‍ വീതം നേടി സമനിലയിലേക്ക് എന്ന് ഉറപ്പിച്ച മത്സരത്തിന്റെ ഇഞ്ചുറി ടൈമിലായിരുന്നു വിനീതിന്റെ ഗോള്‍. കുറച്ച് ദിവസം മുമ്പ് മരിച്ച മൂത്തച്ഛന്റെ ഓര്‍മ്മയിലാണ് കളിയിലെ ഓരോ നിമിഷവും താന്‍ ചിലവിട്ടതെന്ന് വിനീത് പറയുന്നു.
ബ്ലാസ്റ്റേഴ്‌സ് ജയിച്ചതോടെ സെമി സാധ്യതകള്‍ നിലനിര്‍ത്തി. പൂനെയെ അവരുടെ തട്ടകത്തില്‍ തോല്‍പ്പിച്ചതോടെ ബ്ലാസ്റ്റേഴ്‌സിന് ആത്മവിശ്വാസം കൂടിയിട്ടുണ്ട്. ഇരു ടീമും ഓരോ ഗോള്‍ വീതം നേടി സമനിലയിലേക്ക് നീങ്ങിയ മത്സരം അവസാന നിമിഷം തന്റെ ഗോളിലൂടെ സികെ വിനീത് ബ്ലാസ്റ്റേഴ്‌സിന് അനുകൂലമാക്കുകയായിരുന്നു.
ജയത്തോടെ ബ്ലാസ്റ്റേഴ്‌സ് പോയിന്റ് പട്ടികയില്‍ അഞ്ചാം സ്ഥാനത്തെത്തി. 14 മത്സരങ്ങളില്‍ നിന്ന് 20 പോയിന്റാണ് ടീമിനുള്ളത്. വരും മത്സരങ്ങളിലും മികച്ച പ്രകടനം പുറത്തെടുത്താല്‍ ബ്ലാസ്റ്റേഴ്‌സിന് സെമി ബര്‍ത്ത് ഉറപ്പിക്കാം.
ആദ്യ പകുതി ഗോള്‍ രഹിതമായിരുന്നു. ജാക്കി ചന്ദ് സിംഗാണ് ബ്ലാസ്റ്റേഴ്‌സിനായി ആദ്യ ഗോള്‍ നേടിയത്. 57-ാം മിനിറ്റിലായിരുന്നു ഗോള്‍. എന്നാല്‍ 78-ാം മിനിറ്റില്‍ ലഭിച്ച പെനാല്‍റ്റിയിലൂടെ പൂനെ സമനില പിടിച്ചു. ഇതിനുപിന്നാലെ ഇഞ്ചുറി ടൈമിന്റെ അവസന മിനിറ്റില്‍ സികെ വനീത് ബ്ലാസ്റ്റേഴ്‌സിന്റെ വിജയ ഗോള്‍ നേടുകയായിരുന്നു.
Post Your Comments