ഷില്ലോങ് : പ്രധാനമന്ത്രി നരേന്ദ്ര മോദിയെ വിലയേറിയ കോട്ട് ധരിച്ചതിന് പരിഹസിച്ച കോൺഗ്രസ് അധ്യക്ഷൻ രാഹുൽ ഗാന്ധിക്ക് അതേ നാണയത്തിൽ മറുപടി കൊടുത്ത് ബിജെപി. മേഘാലയയിൽ നടന്ന സംഗീത പരിപാടിയിൽ പങ്കെടുക്കവെ രാഹുൽ ധരിച്ച കോട്ടിന്റെ വില പരസ്യപ്പെടുത്തിയാണ് ബിജെപി തിരിച്ചടിച്ചത്. കോട്ടിന്റെ വില 70,000 രൂപയോളമാണെന്നാണ് ബിജെപി ആരോപിക്കുന്നത്.
കോട്ട് ധരിച്ചുനിൽക്കുന്ന രാഹുലിൻറെ ഫോട്ടോക്കൊപ്പം വിലയും ഉൾപ്പെടുത്തി ബിജെപിയുടെ മേഘാലയ ഘടകം ഔദ്യോഗിക ട്വിറ്റർ പേജിൽ പ്രതികരണമറിയിച്ചതോടെ സംഭവം വൈറലായി. ബ്രിട്ടിഷ് ബ്രാൻഡായ ബർബെറിയുടെ ഈ ജാക്കറ്റിന് 63,400 രൂപ വിലവരുമെന്നും ബിജെപി പറയുന്നു. 2015ലെ റിപ്പബ്ളിക് ദിനത്തിൽ പ്രധാനമന്ത്രി നരേന്ദ്ര മോദി ധരിച്ച കോട്ടിനെക്കുറിച്ച് അന്ന് വിമർശനങ്ങൾ ഉയർന്നിരുന്നു. രാഹുൽ ഇതിൽ കടുത്ത പരിഹാസവും വിമർശനവുമായിരിക്കുന്നു ബിജെപിക്ക് നേരെ നടത്തിയിരുന്നത്.ഇതിന് മറുപടി നൽകാൻ ബിജെപിക്ക് ലഭിച്ച അവസരം നന്നായി ഉപയോഗിച്ചുകൊണ്ടാണ് രാഹുലിന് മറുപടി നൽകിയത്
Post Your Comments