ന്യൂഡൽഹി: രാഷ്ട്രപതി രാംനാഥ് കോവിന്ദ് ന‌ടത്തിയ ന‍യപ്രഖ്യാപന പ്രസംഗത്തിനെതിരെ മുസ്‌ലീം ലീഗ്. പാർലമെന്‍റിന്‍റെ ബജറ്റ് സമ്മേളനത്തിനു തുടക്കം കുറിച്ചുകൊണ്ടാണ് കഴിഞ്ഞ ദിവസം രാഷ്ട്രപതി ന‍യപ്രഖ്യാപന പ്രസംഗം നടത്തിയിരുന്നത്. മുത്തലാക്കിനെ രാഷ്ട്രപതി പരിഹസിച്ചുവെന്ന് മുസ്‌ലീം ലീഗ് നേതാവ് പി.കെ.കുഞ്ഞാലിക്കുട്ടി എം.പി ആരോപിച്ചു.
മുത്തലാക്ക് ബിൽ ഈ സമ്മേളനത്തിൽ പാസാക്കുമെന്നാണു പ്രതീക്ഷയെന്നും, അങ്ങനെവന്നാൽ മുസ്‌ലീം വനിതകളുടെ വിമോചനത്തിനുള്ള അവസരമാണ് ലഭ്യമാകുന്നതെന്നും രാഷ്ട്രപതി പറഞ്ഞിരുന്നു. എന്നാൽ സംഭവത്തിൽ കടുത്ത അതൃപ്തിയാണ് മുസ്‌ലീം ലീഗ് രേഖപ്പെടുത്തിയിട്ടുള്ളത്.
Post Your Comments