ഹൈദരാബാദ്: ഹിന്ദു യുവാവിന്റെ തല വെട്ടിമാറ്റി മുസ്ലീം മതസ്ഥാപനത്തിന് മുന്നില്‍ ഉപേക്ഷിച്ച നിലയില്‍ കണ്ടെത്തി. നടുക്കം വിട്ടുമാറാതെ ഭയത്തിലാണ് ജനങ്ങള്‍. തെലങ്കാന നല്‍ഗോണ്ടയിലെ ബോട്ടുഗുഡ ഗ്രാമത്തിലാണ് സംഭവം. കനഗല്‍ മണ്ഡല്‍ സ്വദേശി പലാകുരി രമേശ് ഗൗഡിന്റെ തലയാണ് വെട്ടിമാറ്റിയ നിലയില്‍ കണ്ടെത്തിയത്. ജനുവരി 29 തിങ്കളാഴ്ച രാവിലെയാണ് രമേശിന്റെ വെട്ടിമാറ്റിയ ശിരസ് മാത്രം ബോട്ടുഗുഡയില്‍ കണ്ടെത്തിയത്. രാവിലെ നടക്കാനിറങ്ങിയ പ്രദേശവാസികളാണ് വെട്ടിമാറ്റിയ ശിരസ് ആദ്യം കണ്ടത്. ഉടന്‍ തന്നെ പോലീസില്‍ വിവരമറിയിച്ചു. പിന്നീട് പോലീസ് നടത്തിയ അന്വേഷണത്തില്‍ കിലോമീറ്ററുകള്‍ക്ക് അകലെനിന്നും രമേശിന്റെ ശിരസില്ലാത്ത മൃതദേഹവും കണ്ടെടുത്തു.
നല്‍ഗോണ്ടയിലെ ബോട്ടുഗുഡ റെസിഡന്‍ഷ്യല്‍ കോളനിയിലാണ് കന്‍ഗല്‍ മണ്ഡല്‍ സ്വദേശി രമേശ് ഗൗഡിനെ തല വെട്ടിമാറ്റിയ നിലയില്‍ കണ്ടെത്തിയത്. മുസ്ലീംങ്ങള്‍ തിങ്ങിപ്പാര്‍ക്കുന്ന ബോട്ടുഗുഡയില്‍ രാവിലെ നടക്കാനിറങ്ങിയവരാണ് വെട്ടിമാറ്റിയ ശിരസ് ആദ്യം കണ്ടത്.
വെട്ടി മാറ്റിയ നിലയില്‍ കണ്ടെത്തിയ ശിരസ് ട്രാക്ടര്‍ ഡ്രൈവറായ രമേശ് ഗൗഡിന്റേതാണെന്ന് നാട്ടുകാര്‍ ആദ്യമേ തിരിച്ചറിഞ്ഞിരുന്നു. നാട്ടുകാര്‍ വിവരമറിയിച്ചതനുസരിച്ച് എത്തിയ പോലീസ് സംഘം സംഭവസ്ഥലത്ത് വിശദമായ പരിശോധന നടത്തി. മുസ്ലീംങ്ങള്‍ തിങ്ങിപ്പാര്‍ക്കുന്ന ബോട്ടുഗുഡയിലെ ഒരു മതസ്ഥാപനത്തിന് മുന്നിലുള്ള കൊടിമരത്തിന് താഴെയായിരുന്നു വെട്ടിമാറ്റിയ ശിരസ് കണ്ടെത്തിയത്. മറ്റെവിടെയോ വച്ച് കൃത്യം നിര്‍വഹിച്ച ശേഷം ശിരസ് മാത്രം ഇവിടെ ഉപേക്ഷിക്കുകയായിരുന്നു എന്നാണ് പോലീസ് അറിയിച്ചത്.
പിന്നീട് ഡോഗ് സ്‌ക്വാഡിന്റെ സഹായത്തോടെയാണ് രമേശിന്റെ ശിരസ് ഛേദിച്ച മൃതദേഹം കണ്ടെടുത്തത്. ബോട്ടുഗുഡ റെസിഡന്‍ഷ്യല്‍ കോളനിയില്‍ നിന്നും കിലോമീറ്ററുകള്‍ക്ക് അപ്പുറം ഭാരത് ഗ്യാസ് ഓഫീസിന് സമീപത്ത് നിന്നാണ് രമേശിന്റെ ശിരസറ്റ മൃതദേഹം കണ്ടെത്തിയത്. കന്‍ഗല്‍ മണ്ഡല്‍ സ്വദേശിയും ട്രാക്ടര്‍ ഡ്രൈവറുമായ രമേശ് ഗൗഡ് മരുന്ന് വാങ്ങാനായാണ് ഞായറാഴ്ച രാത്രി വീട്ടില്‍ നിന്നിറങ്ങിയത്. ഞായറാഴ്ച രാത്രിയിലാണ് രമേശിനെ കൊലപ്പെടുത്തി ശിരസ് വെട്ടിമാറ്റിയതെന്നാണ് പോലീസിന്റെയും പ്രാഥമിക നിഗമനം.
തെലങ്കാനയിലെ നല്‍ഗോണ്ട മേഖലയില്‍ ഒരാഴ്ചയ്ക്കിടെ നടക്കുന്ന രണ്ടാമത്തെ കൊലപാതകമാണിത്. നല്‍ഗോണ്ട മുനിസിപ്പല്‍ ചെയര്‍പേഴ്‌സണ്‍ ബി ലക്ഷ്മിയുടെ ഭര്‍ത്താവ് ബി ശ്രീനിവാസ് ജനുവരി 24ന് രാത്രി കൊല്ലപ്പെട്ടിരുന്നു. ഈ സംഭവത്തിന്റെ നടുക്കം മാറും മുന്‍പേയാണ് മറ്റൊരാള്‍ കൂടി കൊല്ലപ്പെട്ടത്. ഒരാഴ്ചയ്ക്കിടെ രണ്ട് പേര്‍ കൊല്ലപ്പെട്ടത് നല്‍ഗോണ്ടയിലെ ജനങ്ങള്‍ക്കിടയില്‍ ഭീതിജനിപ്പിച്ചിട്ടുണ്ട്. അതേസമയം, രമേശ് കൊലക്കേസില്‍ അന്വേഷണം പുരോഗമിക്കുകയാണെന്നും, ജനങ്ങള്‍ ഭയപ്പെടേണ്ടതില്ലെന്നും പോലീസ് ഉദ്യോഗസ്ഥര്‍ അറിയിച്ചു.
Post Your Comments