ക​ല്ലുകൊ​ണ്ട് ത​ലയ്​ക്ക​ടി​ച്ച് പ​രി​ക്കേ​റ്റ മ​ത്സ്യ​ത്തൊ​ഴി​ലാ​ളി മരിച്ചു

വി​ഴി​ഞ്ഞം: യു​വാ​വ് ക​ല്ലുകൊ​ണ്ട് ത​ലയ്​ക്ക​ടി​ച്ച് പ​രി​ക്കേ​ൽ​പ്പി​ച്ച മ​ത്സ്യ​ത്തൊ​ഴി​ലാ​ളി മ​രി​ച്ചു. ക​രിം​കു​ളം കൊ​ച്ചു​പ​ള്ളി പ​റ​മ്പ് പു​ര​യി​ട​ത്തി​ൽ ബ​ർ​ക്ക്മാ​ൻ (54) ആ​ണ് മ​രി​ച്ച​ത്. ഇ​യാ​ളു​ടെ സ​ഹോദ​രി​യു​ടെ മ​ക​ളു​ടെ ഭ​ർ​ത്താ​വും വ​ലി​യതു​റ സ്വ​ദേ​ശി​യു​മാ​യ ര​ഞ്‌​ജി​ത്(34) ആണ് ആക്രമണം നടത്തിയത്. ഒ​ളി​വി​ൽ പോ​യ​ കൊ​ല​യാ​ളി​ക്കാ​യു​ള്ള അ​ന്വേ​ഷ​ണം ശക്ത​മാ​ക്കി.

ഇ​ക്ക​ഴി​ഞ്ഞ വെ​ള്ളി​യാ​ഴ്ച രാ​വി​ലെ പ​തി​നൊന്നോ​ടെ​യാ​യി​രു​ന്നു സം​ഭ​വം. മ​ദ്യ​പാ​നി​യാ​യ ര​ഞ്‌​ജി​ത് ഭാ​ര്യ​യെ മ​ർ​ദിക്കു​ന്ന​തി​നെ എ​തി​ർ​ക്കു​ന്ന​തി​നു​ള്ള വൈ​രാ​ഗ്യ​മാ​ണ് കൊ​ല​യി​ലേ​ക്ക് ന​യി​ച്ച​തെ​ന്ന് പൊ​ലീ​സ് പ​റ​യു​ന്നു. സം​ഭ​വ ദി​വ​സം മ​ത്സ്യ​ബ​ന്ധനം ക​ഴി​ഞ്ഞ് മ​ട​ങ്ങി​വ​ന്ന് ഉ​റ​ങ്ങി​ക്കി​ട​ന്ന ബ​ർ​ക്ക്മാ​നെ ക​ല്ലെ​ടു​ത്ത് നി​ര​വ​ധി പ്രാ​വ​ശ്യം രഞ്ജിത്ത് ത​ല​ക്ക​ടി​ച്ചു. നി​ല​വി​ളി കേ​ട്ട് ആ​ളുകൾ എ​ത്തു​ന്ന​തി​നി​ട​യി​ൽ ര​ഞ്ജി​ത് ര​ക്ഷ​പ്പെ​ട്ടു.

Read Also : വയനാട്ടിൽ വവ്വാലുകളിൽ നിപ വൈറസ് സാന്നിധ്യം സ്ഥിരീകരിച്ചതായി ഐസിഎംആർ: ആരോഗ്യപ്രവർത്തകർക്ക് മുന്നറിയിപ്പ് നൽകി വീണാ ജോർജ്

പു​റംത​ല​ക്കും മു​ഖ​ത്തും സാ​ര​മാ​യി പ​രി​ക്കേ​റ്റ ബ​ർ​ക്ക്മാ​നെ നാ​ട്ടു​കാ​ർ മെ​ഡി​ക്ക​ൽ കോള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും ഇ​ന്ന​ലെ മ​രിക്കുകയായിരുന്നു. മു​ഖ​ത്തേ​റ്റ മു​റി​വാ​ണ് മ​ര​ണ കാ​ര​ണ​മെ​ന്ന് ഡോ​ക്ട​ർ അ​റി​യി​ച്ച​താ​യി കേ​സെ​ടു​ത്ത കാ​ഞ്ഞി​രം​കു​ളം പൊ​ലീ​സ് അ​റി​യി​ച്ചു.

പോ​സ്റ്റ്മോ​ർ​ട്ട​ത്തി​നുശേ​ഷം മൃ​ത​ദേ​ഹം ബ​ന്ധുക്ക​ൾ​ക്ക് വി​ട്ടുന​ൽ​കി.