ഇരുപത്തി മൂന്ന് ലക്ഷം രൂപയുടെ കുഴൽപ്പണം പിടികൂടി

മലപ്പുറം : കൊണ്ടോട്ടിയിൽ 23.33 ലക്ഷം രൂപയുടെ കുഴല്‍പ്പണം പിടികൂടി. വാഹന പരിശോധനക്കിടെയാണ് പണം പിടികൂടിയത്. സംഭവത്തിൽ വള്ളുവമ്പ്രം അത്താണിക്കല്‍ ചാവിക്കാടന്‍ നഹാസ് (30) പിടിയിലായി. ഇയാളുടെ പക്കൽ നിന്ന് ആറര ലക്ഷം രൂപ പിടിച്ചെടുക്കുകയും ചെയ്തു.

കൂടാതെ ഇയാളെ ചോദ്യം ചെയ്തതിൽ നിന്ന് മൊറയൂര്‍ എടപ്പറമ്പ് അസ്‌ലമിന്റെ വീട്ടില്‍ പരിശോധന നടത്തി 16,82,900 രൂപയും , നോട്ടെണ്ണാന്‍ ഉപയോഗിക്കുന്ന മെഷീനും പോലീസ് കണ്ടെടുത്തു. അസ്ലാമിനു വേണ്ടി പൊലീസ് തെരച്ചിൽ ആരംഭിച്ചിട്ടുണ്ട്.