തെലങ്കാനയില്‍ വീണ്ടും മാവോയിസ്റ്റ് അക്രമം

ഹൈദരാബാദ്:ഒരിടവേളക്ക് ശേഷം തെലങ്കാനയില്‍ വീണ്ടും മാവേയിസ്റ്റ് അക്രമം. ആക്രമണത്തില്‍ മൂന്ന് മാവോയിസ്റ്റ് അനുഭാവികള്‍  കൊല്ലപ്പെട്ടു. മറ്റൊരാള്‍ക്ക് വെടിയേറ്റു. ശനിയാഴ്ച രാത്രി വീരപുരം ഗ്രാമത്തില്‍ നടന്ന വെടിവെപ്പില്‍ മുന്‍ മാവോയിസ്റ്റ് അനുഭാവി കൂടിയായ പി.ജോഗയ്യയാണ് കൊല്ലപ്പെട്ടത്. ബദ്രാചലത്തിലെ സൂര്യനഗറില്‍ നടന്ന വെടിവെപ്പിലാണ് മറ്റൊരാള്‍ക്ക് പരിക്കേറ്റത്.

പരിക്കേറ്റ എം.രമേശ് എന്നയാളും മുന്‍ മവോയിസ്റ്റ് അനുഭാവിയാണെന്ന് പോലീസ് ചൂണ്ടിക്കാട്ടി. വിവരം ഒറ്റുകൊടുക്കുന്നു എന്ന് സംശയിച്ചാണ് ഇവരെ മാവോയിസ്റ്റുകള്‍ ആക്രമിച്ചതെന്ന് കരുതുന്നു. സംസ്ഥാനത്തെ വിവിധ ഭാഗങ്ങളില്‍ നിരവധി വാഹനങ്ങളും അഗ്‌നിക്കിരയാക്കിയിട്ടുണ്ട്. അനധികൃത മണല്‍ ഖനനത്തിനെതിരെയുള്ള പ്രതിഷേധമാണ് അക്രമം എന്ന കത്തുകളും സ്ഥലത്ത് നിന്നും ലഭിച്ചിട്ടുണ്ട്. സംഭവവുമായി ബന്ധപ്പെട്ട് പോലീസ് അതീവ ജാഗ്രാതാ നിർദേശം നലകി.

ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2