ജോഹന്നാസ്ബര്‍ഗ്: ദക്ഷിണാഫ്രിക്കയ്ക്കെതിരെ മൂന്നാം ക്രിക്കറ്റ് ടെസ്റ്റില്‍ ഇന്ത്യന്‍ നായകന്‍ വിരാട് കോഹ്ലിയെ തേടി മറ്റൊരു റെക്കോര്‍ഡ് കൂടി. ടെസ്റ്റ് ക്രിക്കറ്റില്‍ ഇന്ത്യന്‍ നായകന്‍ എന്ന നിലയില്‍ ഏറ്റവും അധികം റണ്‍സ് നേടിയ താരം എന്ന റെക്കോര്‍ഡാണ് കോഹ്ലി സ്വന്തമാക്കിയത്. മുന്‍ ഇന്ത്യന്‍ നായകന്‍ മഹേന്ദ്ര സിംഗ് ധോണിയുടെ റെക്കോര്‍ഡാണ് കോഹ്ലി മറികടന്നത്.
മൂന്നാം ടെസ്റ്റിന്റെ രണ്ടാം ഇന്നിംഗ്‌സില്‍ 41 റണ്‍സ് എടുത്ത കോഹ്ലി നായകനെന്ന നിലയില്‍ ഇതോടെ 3456 റണ്‍സ് നേടിയിട്ടുണ്ട്. 65.20 ബാറ്റിംഗ് ശരാശരിയിലാണ് കോഹ്ലി ഇത്രയും റണ്‍സ് സ്വന്തമാക്കിയിരിക്കുന്നത്.
രണ്ടാമതുളള ധോണി ടെസ്റ്റ് നായകനെന്ന നിലയില്‍ 3434 റണ്‍സാണ് നേടിയിട്ടുളളത്. ഗവാസ്‌ക്കറാണ് ഈ പട്ടികയില്‍ മൂന്നാമത്. 3449 റണ്‍സാണ് ഗവാസ്‌ക്കര്‍ നേടിയിട്ടുളളത്. അസ്ഹറുദ്ദീന്‍ 2856 റണ്‍സും ഗാംഗുലി 2561 റണ്‍സുമാണ് നായകന്റെ ക്യാപ്പണിഞ്ഞ് നേടിയിട്ടുളളത്.
Post Your Comments