ഇന്ത്യന്‍ ടെലികോം ചരിത്രത്തില്‍ ഏറ്റവും നിരക്ക് കുറഞ്ഞ പ്ലാന്‍ അവതരിപ്പിച്ച് ജിയോ

മുംബൈ:എതിരാളികളെ പ്രതിസന്ധിയിലാക്കി, ഇന്ത്യൻ ടെലികോം ചരിത്രത്തിലെ തന്നെ ഏറ്റവും നിരക്ക് കുറഞ്ഞ പ്ലാൻ അവതരിപ്പിച്ചിരിക്കുകയാണ് ജിയോ. 49 രൂപയ്ക്ക് 28 ദിവസ കാലാവധിയില്‍ ഒരു ജി.ബി ഡാറ്റ. റിപ്പബ്ലിക് ഡെ ഓഫറായി ഫീച്ചര്‍ ഫോണ്‍ ഉപയോക്താക്കള്‍ക്കായാണ് ജിയോ ഈ പ്ലാൻ അവതരിപ്പിച്ചിരിക്കുന്നത്. കൂടിയ നിരക്കിൽ കുറവ് ഡാറ്റയായതോടെ ഉപഭോക്താക്കൾ കടുത്ത പ്രതിസന്ധിയിലായി. ഇതോടെയായിരുന്നു ജിയോ പുതിയ പ്ലാൻ അവതരിപ്പിച്ചതെന്ന് ജിയോ പ്രസ്താവനയിൽ വ്യക്തമാക്കി.

ഇതുവരെ 153 രൂപയായിരുന്നു ജിയോ ഫോണിന്റെ ഏറ്റവും കുറഞ്ഞനിരക്ക്. 28 ദിവസത്തേയ്ക്ക് പരിധിയില്ലാത്ത കോളും 500എംബി ഡാറ്റയുമാണ് ഈ പ്ലാന്‍ പ്രകാരം നല്‍കിയിരുന്നത് .49 രൂപയുടെ പ്ലാനിന്‌ പുറമെ 11 രൂപ, 21 രൂപ, 51 രൂപ, 101 രൂപ എന്നിങ്ങനെ വിലവരുന്ന ആഡ് ഓണ്‍ ഡാറ്റടോപ്പ് അപ്പ് പായ്ക്കുകളും പുറത്തിറക്കിയിട്ടുണ്ട്..എന്നാൽ പുതിയ പ്ലാൻ ഉപഭോക്താക്കൾക്ക് ഏറെ പ്രയോജനപ്പെടുമെന്നാണ് കണക്കാക്കുന്നത്.