സത്യാഗ്രഹം കിടന്ന് എല്ലും തോലുമായ ശ്രീജിത്ത്, ഒരുകാലത്തെ മികച്ച ബോഡി ബിൽഡർ

തിരുവനന്തപുരം: സെക്രട്ടറിയേറ്റിന് മുന്നില്‍ കഴിഞ്ഞ 765 ദിവസമായി സത്യാഗ്രഹം ഇരിക്കുന്ന എല്ലും തോലുമായ ശ്രീജിത്ത് എന്ന ചെറുപ്പക്കാരൻ ഒരു കാലത്ത് തിരുവനന്തപുരത്തിന്റെ അഭിമാനമായിരുന്നു.പലരുടേയും ഫെയ്സ്ബുക്ക് പ്രൊഫൈല്‍ ചിത്രങ്ങളിലും മറ്റും വിഷാദമൂകനായി നില്‍ക്കുന്ന ശ്രീജിത്ത് 2005 – 07 കാലത്ത് 65 കിലോ വിഭാഗത്തില്‍ കേരളത്തിലെ ശരീര സൗന്ദര്യ മത്സരങ്ങളില്‍ തിരുവനന്തപുരത്ത് സ്ഥിരം സാന്നിധ്യമായിരുന്നു.

തിരുവനന്തപുരം ജില്ലാ ബോഡി ബില്‍ഡിംഗ് അസോസിയേഷനും സംസ്ഥാന ജില്ലയും സംഘടിപ്പിച്ച അനേകം ശരീര സൗന്ദര്യ മത്സരങ്ങളില്‍ ശ്രീജിത്ത് വിജയിയായിരുന്നു.പഴയൊരു ആരോഗ്യത്തിലേക്ക് തിരിച്ചു പോകുവാന്‍ സാധിക്കില്ലെന്ന ആശങ്കയും ഇപ്പോൾ ശ്രീജിത്തിനുണ്ട്.