സെഞ്ചൂറിയന്‍: സെഞ്ചൂറിയന്‍ ടെസ്റ്റില്‍ ദക്ഷിണാഫ്രിക്ക ലീഡ് ഉയര്‍ത്തുന്നു. വെളിച്ചക്കുറവിനെ തുടര്‍ന്ന് മൂന്നാം ദിവസത്തെ കളി നേരത്തെ നിര്‍ത്തുമ്പോള്‍ 90 റണ്‍സിന് രണ്ട് വിക്കറ്റ് എന്ന നിലയിലാണ് ദക്ഷിണാഫ്രിക്ക. ഇപ്പോള്‍ 118 റണ്‍സ് ലീഡാണ് ആതിഥേയര്‍ക്കുള്ളത്.
ആദ്യ ഇന്നിംഗ്‌സില്‍ ദക്ഷിണാഫ്രിക്ക മുന്നോട്ട് വച്ച 335 റണ്‍സ് പിന്തുടര്‍ന്ന ഇന്ത്യ 307 റണ്‍സേ നേടിയൊള്ളു. 28 റണ്‍സ് ലീഡാണ് ഇന്ത്യ ആദ്യ ഇന്നിംഗ്‌സില്‍ വഴങ്ങിയത്. തുടര്‍ന്ന് രണ്ടാം ഇന്നിംഗ്‌സില്‍ ബാറ്റിംഗ് ആരംഭിച്ച ദക്ഷിണാഫ്രിക്കയുടെ ആദ്യ രണ്ട് വിക്കറ്റുകള്‍ ബുംറ നേടിയിരുന്നു.
ഓരോ റണ്‍സ് വീതം നേടിയ മാര്‍ക്രത്തിന്റെയും ഹഷിം അംലയുടെയും വിക്കറ്റുകളാണ് ബുംറ നേടിയത്. 50 റണ്‍സുമായി ഡീവില്യേഴ്‌സും 36 റണ്‍സുമായി ഡീന്‍ എല്‍ഗറുമാണ് ക്രീസില്‍.
നേരത്തെ വിരാട് കോഹ്ലിയുടെ ഒറ്റയാള്‍ പോരാട്ടത്തിലാണ് ഇന്ത്യ വന്‍ തകര്‍ച്ചയില്‍ നിന്നും രക്ഷപെട്ടത്. 153 റണ്‍സാണ് കോഹ്ലി നേടിയത്. നാലാമനായി ക്രീസിലെത്തിയ കോഹ്ലി അവസാനമാണ് പുറത്താകുന്നത്.
Post Your Comments