കൊച്ചി: ഐഎസ്എല്ലിന്റെ ചരിത്രത്തില്‍ മറ്റാരും സ്വന്തമാക്കാത്ത റെക്കോര്‍ഡിന് അര്‍ഹരായിരിക്കുകയാണ് കേരള ബ്ലാസ്റ്റേഴ്‌സ്. മറ്റൊന്നുമല്ല തുടര്‍ച്ചയായി രണ്ട് എവേ മത്സരങ്ങള്‍ ജയിച്ച ആദ്യ ടീം എന്ന റെക്കോര്‍ഡാണ് ബ്ലാസ്റ്റേഴ്‌സ് നേടിയിരിക്കുന്നത്.
ഇന്നലെ മുംബൈയുടെ തട്ടകത്തില്‍ എതിരില്ലാത്ത ഒരു ഗോളിന് ജയിച്ചതോടെയാണ് ബ്ലാസ്റ്റേഴ്‌സ് ഈ നേട്ടത്തിന് അര്‍ഹരായത്. ഡല്‍ഹി ഡയനാമോസിനെ ഒന്നിനെതിരെ മൂന്ന് ഗോളുകള്‍ക്ക് തോല്‍പ്പിച്ചതിന് ശേഷമാണ് ഇന്നലെ മുംബൈയെയും ബ്ലാസ്റ്റേഴ്‌സ് തറപറ്റിച്ചത്.
ഇരു മത്സരങ്ങളിലും ഇയാന്‍ ഹ്യൂമാണ് ബ്ലാസ്റ്റേഴ്‌സിന്റെ വിജയത്തിന് കുടപിടിച്ചത്. ഡല്‍ഹി ഡയനാമോസിനെതിരെ ഹാട്രിക്ക് നേടിയ ഹ്യൂം മുംബൈക്ക് എതിരെയും തന്റെ മിന്നും ഫോം തുടരുകയായിരുന്നു. മുംബൈക്ക് എതിരെ 23-ാംമിനിറ്റില്‍ ഹ്യൂം വിജയഗോള്‍ നേടി.
ഇനി രണ്ട് ഹോം മത്സരങ്ങളാണ് കേരള ബ്ലാസ്റ്റേഴ്‌സിനുള്ളത്. എഫ്‌സി ഗോവയ്ക്കും ഡല്‍ഹി ഡയനാമോസിനും എതിരെയാണ് ബ്ലാസ്റ്റേഴ്‌സിന്റെ മത്സരങ്ങള്‍.
Post Your Comments