കാട്ടാക്കട: പൊലീസ് ജീപ്പിനു കല്ലെറിഞ്ഞ സംഘത്തിലെ ഒരാളെ പിടികൂടി. വ്ളാവെട്ടി നെല്ലിക്കുന്ന് കോളനിയിലെ വിജിന്‍ (19) ആണ് പിടിയിലായത്. നെയ്യാര്‍ഡാം സ്റ്റേഷനിലെ പൊലീസുകാരുടെ പട്രോളിംഗിനിടയിലായിരുന്നു സംഭവം നടന്നത്. മദ്യലഹരിയിലായിരുന്ന നാലംഗ സംഘം തമ്മിലടിച്ചു. ഇവരെ തടയാന്‍ ശ്രമിച്ച പൊലീസിന് നേരെ സംഘം തിരിയുകയും ജീപ്പിന് നേരെ കല്ലെറിയുകയുമായിരുന്നു. തുടർന്ന് സ്ഥലത്തു നിന്നും രക്ഷപെട്ട സംഘത്തിലെ ഒരാളെയാണ് ഇപ്പോൾ പിടികൂടിയിരിക്കുന്നത്. ബാക്കിയുള്ളവർക്കായുള്ള അന്വേഷണം ആരംഭിച്ചതായി പോലീസ് പറഞ്ഞു.
Read also ; തലസ്ഥാനത്ത് പൊലീസും വിശ്വാസികളും തമ്മില്‍ സംഘര്‍ഷം : വാഹനങ്ങള്‍ കല്ലെറിഞ്ഞു തകര്‍ത്തു
Post Your Comments