തൃശൂര്‍: സംസ്ഥാന സ്‌കൂള്‍ കലോത്സവത്തില്‍ പന്ത്രണ്ടാം കലാകിരീടം ലക്ഷ്യമിട്ട് കോഴിക്കോട് തുടക്കത്തിൽത്തന്നെ മുമ്പിലേക്ക് കുതിക്കുന്നു. 195 പോയിന്റുമായി മുന്നിലാണ് കോഴിക്കോട്. 191 പോയിന്റുമായി പാലക്കാട് രണ്ടാം സ്ഥാനത്തുണ്ട്. ആതിഥേയരായ തൃശൂര്‍ 189 പോയിന്റുമായി മൂന്നാം സ്ഥാനത്താണ്.
സ്‌കൂളുകളില്‍ 31 പോയിന്റ് നേടിയ ആലത്തൂര്‍ ബിഎസ്എസ് ഗുരുകുലം ഹയര്‍ സെക്കന്‍ഡറിയാണ് മുന്നില്‍. 25 പോയിന്റുമായി കോഴിക്കോട് സില്‍വര്‍ ഹില്‍സ് സ്‌കൂളാണ് തൊട്ടു പിറകില്‍.ആദ്യ ദിനത്തില്‍ മത്സരങ്ങള്‍ വൈകിയത് മത്സരാര്‍ഥികളെ ആശങ്കയിലാഴ്ത്തിയിട്ടുണ്ട്.അതേസമയം, സ്‌കൂള്‍ കലോത്സവത്തിന് തൃശൂരില്‍ വലിയ ജനപിന്തുണയാണ് ലഭിക്കുന്നത്. രാവിലെ മുതല്‍ തന്നെ മിക്കവാറും മത്സരങ്ങള്‍ നിറഞ്ഞ വേദിയിലാണ് അവതരിപ്പിക്കുന്നത്.
Post Your Comments