യുവതാരങ്ങളെ വളര്‍ത്തിയെടുത്ത് ക്രിക്കറ്റിന് ആഗോള മുഖം നല്‍കാനുള്ള ശ്രമത്തിന്റെ ഭാഗമായി സിംഗപ്പൂരില്‍ പുതിയ ക്രിക്കറ്റ് അക്കാദമി സ്ഥാപിക്കാനൊരുങ്ങുകയാണ് മഹേന്ദ്ര സിങ് ധോണി. കഴിഞ്ഞ വര്‍ഷം ദുബൈയില്‍ ആരംഭിച്ച എംഎസ് ധോണി ക്രിക്കറ്റ് അക്കാദമിക്കു സമാനമായ ഒന്നാണ് സിംഗപ്പൂരിലും ഒരുക്കുന്നത്.
സെന്റ് പാട്രിക്ക് സ്‌കൂളിൽ സ്ഥാപിക്കുന്ന ഈ അക്കാദമിയിൽ ക്രിക്കറ്റ് ലോകത്തെ പ്രമുഖരായവര്‍ കുട്ടികള്‍ക്കും മുതിര്‍ന്നവര്‍ക്കും ക്രിക്കറ്റ് പാഠങ്ങള്‍ നല്‍കും.ശാരീരികക്ഷമത എന്നതിലപ്പുറം നേതൃത്വപാടവം അടക്കമുള്ള നിര്‍ണായക കാര്യങ്ങള്‍ സ്‌പോര്‍ട്‌സില്‍ നിന്നും കുട്ടികള്‍ക്ക് പഠിക്കാനുണ്ടെന്നും ഏതു കായിക ഇനത്തിലും അവരെ യഥാര്‍ത്ഥ ജേതാക്കളാക്കാനുള്ള പദ്ധതിയാണ് അക്കാദമിക്കുള്ളതെന്നും ധോണി വ്യക്തമാക്കി.
Post Your Comments