ദോഹ: ദോഹയില്‍ ടയര്‍ മോഷ്ടക്കുന്ന മൂന്നംഗ സംഘത്തെ പോലീസ് അറസ്റ്റില്‍. വീടുകള്‍ക്ക് മുമ്പില്‍ നിര്‍ത്തിയിട്ട വാഹനങ്ങളില്‍ നിന്നും ടയറുകള്‍ മോഷ്ടിക്കുന്ന സംഘത്തിന് ഒരു വര്‍ഷത്തെ തടവിന് കോടതി വിധിച്ചു. ദോഹയില്‍ ഒരേ രീതിയിലുള്ള ആറ് കേസുകള്‍ റിപ്പോര്‍ട്ട് ചെയ്യപ്പെട്ടതോടെ അന്വേഷണ സംഘം ശക്തമായി നടത്തിയ അന്വേഷണത്തിലാണ് മൂന്നംഗ സംഘം പിടിയിലായത്.
ശിക്ഷാ നടപടികള്‍ക്ക് ശേഷം പ്രതികളെ നാടുകടത്താനും കോടതി വിധിച്ചിട്ടുണ്ട്. വാഹന ഉടമകള്‍ തങ്ങളുടെ വീടിന് മുമ്പില്‍ നിര്‍ത്തിയിട്ടിരുന്ന കാറുകളില്‍ നിന്നാണ് സംഘം ടയറുകള്‍ മോഷ്ടിച്ചിരുന്നത്. വാഹനത്തില്‍ നിന്നും ടയറുകള്‍ അഴിച്ചെടുക്കുന്ന സംഘം പകരം മോശമായ ടയറുകള്‍ ഘടിപ്പിക്കുകയും നല്ല ടയറുകള്‍ വില്‍പ്പന നടത്തുകയുമാണ് പതിവെന്ന് അന്വേഷണ സംഘം കണ്ടെത്തി.
Post Your Comments