മുംബൈ : നഗരത്തിലെ ചേരി ഒഴിപ്പിക്കുന്നതുമായി ബന്ധപ്പെട്ട് റിപ്പോര്‍ട്ട് ചെയ്യാനെത്തിയ മാദ്ധ്യമപ്രവര്‍ത്തകയെ പൊലീസ് അറസ്റ്റ് ചെയ്തു. ഫ്രീലാന്‍സ് റിപ്പോര്‍ട്ടര്‍ പ്രിയങ്ക ബോര്‍പുജാരിയെയാണ് പൊലീസ് അറസ്റ്റ് ചെയ്തത്. ചേരി ഒഴിപ്പിക്കുന്നതുമായി ബന്ധപ്പെട്ട് സുഹൃത്തില്‍ നിന്നും വിവരം ലഭിച്ച പ്രിയങ്ക സ്ഥലത്തെത്തി കാമറയില്‍ ദൃശ്യങ്ങള്‍ പകര്‍ത്തിയാതാണ് പ്രകോപനമായത്.
പൊലീസിന്റെ ജോലി തടസപ്പെടുത്തിയതിന് ഐ.പി.സി 353 വകുപ്പ് പ്രകാരം പ്രിയങ്കയ്ക്കെതിരെ കേസ് രജിസ്റ്റര്‍ ചെയ്തിട്ടുണ്ട്. രണ്ട് വര്‍ഷം വരെ തടവുശിക്ഷ ലഭിക്കാവുന്ന കുറ്റമാണിത്. ബ്രിഹന്‍മുംബയ് മുനിസിപ്പാല്‍ കോര്‍പ്പറേഷന്‍ പരിധിയിലുള്ള വകോലയിലെ ചേരി ഒഴിപ്പിക്കുന്നത് റിപ്പോര്‍ട്ട് ചെയ്യാന്‍ എത്തിയപ്പോള്‍ പ്രിയങ്കയെ പൊലീസ് അറസ്റ്റ് ചെയ്യുകയായിരുന്നു. ചേരി ഒഴിപ്പിക്കുന്നതില്‍ നിന്നും പ്രദേശവാസികളെ എതിരായി തിരിച്ചതിനാണ് അറസ്റ്റ് ചെയ്തതെന്ന് പൊലീസ് പറയുന്നു.
Post Your Comments