ക്രിസ്മസ് ആഘോഷങ്ങളില്‍ ക്രിസ്മസ് കാര്‍ഡിനും പങ്കുണ്ട്. സ്നേഹ സംമാങ്ങളായി നമ്മളില്‍ പലരും അത്തരം കാര്‍ഡുകള്‍ സമ്മാനിക്കാറുമുണ്ട്. പല വലുപ്പ്സത്തില്‍ വിപണികളില്‍ ഈ കാര്‍ഡുകള്‍ സജീവമാണ്. എന്നാല്‍ ലോകത്തിലെ ഏറ്റവും ചെറിയ ക്രിസ്മസ് കാര്‍ഡിനെ കുറിച്ച് അറിയാമോ?
ലോകത്തിലെ ഏറ്റവും ചെറിയ ക്രിസ്മസ് കാര്‍ഡിന്റെ വിശേഷങ്ങള്‍ അറിയാം. 15 മൈക്രോമീറ്റര്‍ വലുപ്പമാണ് ഈ കാര്‍ഡിന് ഉള്ളത്. ഒരു പോസ്റ്റല്‍ സ്റ്റാമ്ബില്‍ 20 കോടി ഇത്തിരിക്കുഞ്ഞന്‍ കാര്‍ഡ് നിരത്തിവെക്കാമത്രേ. 15 -20 മൈക്രോമീറ്റര്‍ വലുപ്പമുള്ള കാര്‍ഡില്‍ ക്രിസ്മസ് സന്ദേശം വായിക്കണമെങ്കില്‍ ഭീമന്‍ മൈക്രോസ്കോപ് തന്നെ വേണ്ടിവരും.
ലണ്ടനിലെ നാഷനല്‍ ഫിസിക്കല്‍ ലൈബ്രറിയിലെ ശാസ്ത്രജ്ഞരാണ് കാര്‍ഡ് നിര്‍മിച്ചത്. പ്ലാറ്റിനത്തില്‍ പൊതിഞ്ഞ സിലിക്കണ്‍ നൈട്രൈഡ് ഉപയോഗിച്ചാണ് കാര്‍ഡ് നിര്‍മിച്ചിരിക്കുന്നത്. ആഘോഷങ്ങളെ രസകരമാക്കാനാണ് ഇത്തരത്തിലുള്ള കുഞ്ഞന്‍ ക്രിസ്മസ് കാര്‍ഡ് നിര്‍മിച്ചതെന്ന് ഗവേഷകനായ ഡേവിഡ് കേക്സ് പറഞ്ഞു. മുന്‍ റെക്കോഡിലെ ചെറിയ കാര്‍ഡിനെക്കാള്‍ 10 മടങ്ങ് ചെറുതാണ് എന്‍.പി.എല്ലിന്റെ ഇത്തിരിക്കുഞ്ഞന്‍ കാര്‍ഡ്.
Post Your Comments