മുംബൈ: കോണ്‍ഗ്രസിനെയും രാഹുല്‍ ഗാന്ധിയെയും വാനോളം പുകഴ്ത്തി ശിവസേനയുടെ മുഖപത്രമായ സാംമ്നയില്‍ ലേഖനം. ശിവസേനയുടെ നേതാവും സാംമ്നയുടെ എക്സിക്യുട്ടീവ് എഡിറ്ററുമായ സഞ്ജയ് റൗട്ട് ആണ് ലേഖനം എഴുതിയിരിക്കുന്നത്.ഗുജറാത്ത് തിരഞ്ഞെടുപ്പ് മോദിയും രാഹുലും തമ്മിലുള്ള യുദ്ധമായിരുന്നു. രാഹുലിനെ എതിരെയായിരുന്നു ബി.ജെ.പിയുടെ മുഴുവന്‍ പ്രചാരണവും.
എന്നാല്‍ കോണ്‍ഗ്രസ് മുക്ത ഭാരതം സ്വപ്നം കണ്ടവര്‍ക്ക് കൃത്യമായ തിരിച്ചടിയാണ് തിരഞ്ഞെടുപ്പിലൂടെ രാഹുല്‍ നല്‍കിയിരിക്കുന്നത്.ഗുജറാത്ത് തിരഞ്ഞെടുപ്പോടെ പരാജയപ്പെടുന്നവന്‍ എന്ന മുഖച്ഛായയില്‍ നിന്നും രാഹുല്‍ മുക്തനായിരിക്കുന്നു. വരുന്ന തിരഞ്ഞെടുപ്പുകളില്‍ രാഹുല്‍ ഒരു വെല്ലുവിളിയാവുമെന്ന് തെളിയിച്ചിരിക്കുകയാണ്. ഗുജറാത്തില്‍ കോണ്‍ഗ്രസിന് അധികാരം നേടിയെടുക്കാന്‍ സാധിച്ചില്ലെങ്കിലും യഥാര്‍ത്ഥ വിജയം തങ്ങളുടേതാണെന്ന് തെളിയിക്കാന്‍ രാഹുല്‍ ഗാന്ധിക്ക് കഴിഞ്ഞെന്നാണ് ലേഖനത്തില്‍ പറയുന്നത്.
ശക്തമായ ഒരു പ്രതിപക്ഷം രാഹുലിന് കീഴില്‍ അണിനിരന്നാല്‍ തങ്ങള്‍ സ്വാഗതം ചെയ്യുമെന്നും സഞ്ജയ് റൗട്ട് തന്റെ ലേഖനത്തില്‍ പറഞ്ഞു.
Post Your Comments