ന്യൂഡല്‍ഹി•ബി.ജെ.പിയെ പരിഹസിച്ച് കോണ്‍ഗ്രസ് അധ്യക്ഷൻ രാഹുൽ ഗാന്ധി. ബി.ജെ.പിക്ക് ഫിലിം ഫ്രാഞ്ചൈസി ഉണ്ടായിരുന്നെങ്കിൽ അതിനെ ‘ലൈ ഹാർഡ്’ എന്ന് വിളിക്കാമായിരുന്നുവെന്ന് രാഹുൽ ട്വിറ്ററിൽ കുറിച്ചു.
ഡൈ ഹാർഡ് എന്ന ഇംഗ്ലീഷ് സിനിമയെ ഓര്‍മ്മിപ്പിച്ചാണ് രാഹുലിന്റെ വിമർശനം. ബി.ജെ.പി ലൈ ഹാർഡ്, ബി.ജെ.പി ലൈസ്, ഹൗ മെനി ബി.ജെ.പി ലൈസ് എന്നീ ഹാഷ് ടാഗുകളും ട്വീറ്റിൽ രാഹുല്‍ നൽകിയിട്ടുണ്ട്.
നുണകളാണ് ബി.ജെ.പിയുടെ ആണിക്കല്ലെന്നും നുണകളുടെ മേല്‍ കെട്ടിപ്പൊക്കിയ പാര്‍ട്ടിയാണ് ബി.ജെ.പിയെന്നും രാഹുല്‍ കഴിഞ്ഞദിവസം ആരോപിച്ചിരുന്നു. ഇതിന് പിന്നാലെയാണ് രാഹുലിന്റെ ട്വിറ്ററിലെ പരാമര്‍ശം.
Post Your Comments