ബീജിംഗ്•ഓണ്‍ലൈന്‍ കാമുകിയെ കിലോമീറ്ററുകള്‍ താണ്ടിയെത്തിയ വിവാഹിതനായ കാമുകനെ കാമുകിയുടെ ഭര്‍ത്താവ് കൈകാര്യം ചെയ്തു. തെക്കു-വടക്കന്‍ ചൈനയിലെ യുന്നാന്‍ പ്രവിശ്യയിലെ ഫുയുവാനിലാണ് സംഭവം.
കാമുകനായ ലിയുവിനെ കാമുകിയുടെ ഭര്‍ത്താവും സുഹൃത്തുക്കളും ചേര്‍ന്ന് ബെല്‍റ്റുകളും ചാട്ടവാറുകളും ഉപയോഗിച്ച് കൈകാര്യം ചെയ്യുകയായിരുന്നു. വന്‍ ജനക്കൂട്ടം നോക്കി നില്‍ക്കെ ഡിസംബര്‍ 11 നായിരുന്നു സംഭവം.
മധ്യ ചൈനയില്‍ നിന്നുള്ള ലിയു, ഡേറ്റിംഗ് സൈറ്റ് വഴി പരിചയപ്പെട്ട ദുവാന്‍ എന്ന യുവതിയെ കാണാമെന്ന പ്രതീക്ഷയിലാണ് എത്തിയത്.
ലിയുവിനെ മരത്തില്‍ കെട്ടിയിട്ട് നാല് പുരുഷന്മാര്‍ ചേര്‍ന്ന് തുകല്‍ ബെല്‍റ്റുകളും ചാട്ടവാറുകളും ഉപയോഗിച്ച് അടിക്കുന്ന മൊബൈല്‍ ഫോണ്‍ ദൃശ്യങ്ങള്‍ പുറത്തുവന്നിട്ടുണ്ട്.
ദുവാന്റെ ഭര്‍ത്താവും കൂട്ടുകാരും യുവാവിനെ ക്രൂരമായി മര്‍ദ്ദിക്കുന്നത് നിസംഗമായി നോക്കി നില്‍ക്കുന്ന ജനക്കൂട്ടത്തെയും വീഡിയോയില്‍ കാണാം.
Post Your Comments