ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്‌ലിയും ബോളിവുഡ് സുന്ദരി അനുഷ്ക ശര്‍മയും വിവാഹിതരാകാൻ പോകുന്നുവെന്നാണ് ഇപ്പോൾ പുറത്തുവരുന്ന വാർത്തകൾ. പുതിയ റിപ്പോര്‍ട്ടുകള്‍ അനുസരിച്ച് ഓസ്‌ട്രേലിയയിലെ ഇതിഹാസ ക്രിക്കറ്റ് ഗ്രൗണ്ടായ അഡ്‌ലയ്ഡ് ഓവലില്‍ ആയിരിക്കും ഇരുവരുടെയും വിവാഹമെന്നാണ് സൂചന. ഇംഗ്ലണ്ടും ഓസ്‌ട്രേലിയയും തമ്മിലുള്ള ആഷസ് പരമ്പരയിലെ ടെസ്റ്റ് മത്സരം ദിവസങ്ങള്‍ക്ക് മുമ്പാണ് ഇവിടെ സമാപിച്ചത്. കോഹ്‌ലിക്ക് ഇഷ്ടപ്പെട്ട സ്റ്റേഡിയങ്ങളിലൊന്നാണ് അഡ്‌ലയ്ഡ് ഓവല്‍.
വിരാടിന്റെയും അനുഷ്‌കയുടെയും വിവാഹത്തിന് ഈ ഗ്രൗണ്ട് വേദിയാകണമെന്നാണ് ഇപ്പോള്‍ സ്‌റ്റേഡിയം മാനേജ്‌മെന്റിന്റെ താല്‍പ്പര്യം. സ്‌റ്റേഡിയം സിഇഒ ആയ ആന്‍ഡ്ര്യൂ ഡാനിയല്‍സ് ആണ് ഇക്കാര്യം ആവശ്യപ്പെട്ടിരിക്കുന്നത്. വിരാടും അനുഷ്‌കയും ഇവിടെ വച്ചു കല്ല്യാണം കഴിച്ചാല്‍ അതിനെക്കാള്‍ വലിയൊരു ത്രില്‍ ഞങ്ങള്‍ക്കു വേറെയില്ല. കൂടുതല്‍ സുന്ദരമായ ഓര്‍മകള്‍ അവര്‍ ഇവിടെ അവശേഷിപ്പിക്കണമെന്ന് അദ്ദേഹം വ്യക്തമാക്കി. സ്‌റ്റേഡിയം അധികൃതരുടെ അപേക്ഷ കോഹ്ലി സ്വീകരിക്കുമോയെന്നതാണ് എല്ലാവരും ഉറ്റു നോക്കുന്നത്.
Post Your Comments