സഞ്ചാരികൾക്കു സന്തോഷ വാർത്തയുമായി പ്രമുഖ എയർലെെൻസ്

മനാമ: സഞ്ചാരികൾക്കു സന്തോഷ വാർത്തയുമായി ബഹ്​റൈനിലെ ദേശീയ എയർലെെൻസ് ‘ഗള്‍ഫ്​ എയര്‍’. ഇനി മുതൽ ബഹ്​റൈന്‍ ടൂറിസ്​റ്റ്​ വിസ സേവനവും ഗള്‍ഫ്​ എയര്‍ മുഖേന ലഭിക്കും. ഇതിനു വേണ്ടി എയർലെെൻസ് പുതിയ സേവന പദ്ധതി നടപ്പാക്കും. ഈ സേനവത്തിന്റെ വിവരങ്ങൾ www.visa.gulfair.com എന്ന വെബ്​സൈറ്റിലൂടെ ലഭിക്കും. ‘ഗള്‍ഫ്​ എയര്‍’ യാത്രക്കാര്‍ക്ക് മാത്രമാണ് ഈ സേവനമെന്നു കമ്പനി അറിയിച്ചിട്ടുണ്ട്.

‘ഗള്‍ഫ്​ എയര്‍’ യാത്രക്കാര്‍ക്ക് www.visa.gulfair.com എന്ന വെബ്​സൈറ്റ് വഴി വിസക്ക്​ അപേക്ഷിക്കാം. വെബ്​സൈറ്റിലൂടെ അപേക്ഷിക്കുന്ന യാത്രക്കാർക്ക് റിട്ടേൺ ടിക്കറ്റ് ആവശ്യമാണ്. അല്ലാത്തപക്ഷം ഈ സേവനം ‘ഗള്‍ഫ്​ എയര്‍’ സെയില്‍സ്​ ഒാഫിസുകളിൽ നിന്നും ലഭിക്കും. ഈ സേവനം പ്രയോജനപ്പെടുത്താനായി യാത്ര നടത്തുന്നതിനു 30 ദിവസം മുമ്പ് തന്നെ അപേക്ഷ സമർപ്പിക്കണം.