ഉമ്മുൽ ഖുവൈൻ: എമിറേറ്റ്സ് റോഡിൽ വാഹനാപകടം. അപകടത്തിൽ രണ്ടു കുട്ടികൾ മരിക്കുകയും നാലുപേർക്ക് പരുക്കേൽക്കുകയും ചെയ്തു. അപകടം ഉണ്ടായത് കാറും ചരക്കു വാഹനവും കൂട്ടിയിടിച്ചാണ്. എമിറേറ്റ്സ് റോഡിലൂടെ ഷാർജയിലേക്ക് സഞ്ചരിച്ച വാഹനം മുൻപിൽ സഞ്ചരിച്ച ഹെവി വാഹനത്തിൽ ഇടിക്കുകയായിരുന്നു.
വാഹനം വെട്ടിപ്പൊളിച്ചാണ് ഇടിയുടെ ആഘാതത്തിൽ തകർന്ന കാറിൽ കുടുങ്ങിയ യാത്രക്കാരെ പുറത്തെടുത്തത്. സംഭവസ്ഥലത്തു വച്ചു തന്നെ കുട്ടികൾ മരിച്ചതായി ഉമ്മുൽ ഖുവൈൻ സിവിൽ ഡിഫൻസ് വിഭാഗം ഡയറക്ടർ കേണൽ ഹസൻ അലി ബിൻ സറം അറിയിച്ചു.
ആംബുലൻസ് വാഹനങ്ങളും രക്ഷാ ഉദ്യോഗസ്ഥരും അപകട വിവരം കിട്ടിയ ഉടൻ സംഭവ സ്ഥലത്തു എത്തിയിരുന്നു. ഷെയ്ഖ് ഖലീഫ ആശുപത്രിയിൽ പരുക്കേറ്റവരെ പ്രവേശിച്ചതായി കേണൽ ഹസൻ പറഞ്ഞു. ഇവർ അപകടനില തരണം ചെയ്തിട്ടുണ്ട്.
Post Your Comments