ഭുവനേശ്വര്‍•ഒറിസയില്‍ ഭുവനേശ്വറില്‍ പെണ്‍വാണിഭ സംഘം പിടിയിലായി. ഉത്തര്‍പ്രദേശ് സ്വദേശിനികളായ സ്ത്രീകളെ ഉപയോഗിച്ചായിരുന്നു കേന്ദ്രത്തിന്റെ നടത്തിപ്പെന്ന് പോലീസ് പറഞ്ഞു.
35 കാരിയായ സ്ത്രീയാണ് കേന്ദ്രത്തിന്റെ നടത്തിപ്പുകാരി. സ്മാര്‍ട്ട്‌ സിറ്റിയുടെ പ്രാന്തത്തില്‍ ബലിയന്ത പോലീസ് പരിധിയിലെ മെട്രോ സാറ്റലൈറ്റ് സിറ്റിയിലാണ് പെണ്‍വാണിഭ കേന്ദ്രം പ്രവര്‍ത്തിച്ചിരുന്നത്.
ബലിയന്ത പോലീസ് സ്റ്റേഷനില്‍ നിന്നുള്ള പ്രത്യേക സംഘം നടത്തിയ റെയ്ഡില്‍ ഒരു യുവാവ് പോലീസ് പിടിയിലായി. മറ്റൊരാള്‍ സംഭവസ്ഥലത്ത് നിന്നും രക്ഷപ്പെട്ടു.
അനാശാസ്യം (തടയല്‍) നിയമം 3,4,5,6,7 വകുപ്പുകള്‍ പ്രകാരം കേസ് രജിസ്റ്റര്‍ ചെയ്ത് തുടരന്വേഷണം ആരംഭിച്ചിട്ടുണ്ട്.
അടുത്തിടെ, ഭുവനേശ്വറില്‍ നിന്നും തായ് യുവതികളെ ഉപയോഗിച്ച് നടത്തിയിരുന്നു ഹൈ-പ്രൊഫൈല്‍ പെണ്‍വാണിഭ സംഘത്തെ പോലീസ് അറസ്റ്റ് ചെയ്തിരുന്നു.
Post Your Comments