വാഷിങ്ടണ്‍: ഇസ്രയേല്‍ വിഷയത്തിൽ സുപ്രധാന നീക്കവുമായി അമേരിക്കന്‍ പ്രസിഡന്റ് ഡോണള്‍ഡ് ട്രംപ്. ജെറുസലേമിനെ ഇസ്രയേലിന്റെ തലസ്ഥാനമായി പ്രഖ്യാപിക്കാനാണ് ട്രംപിന്റെ നീക്കം. ഈ നീക്കത്തിൽ അറബ് രാഷ്ട്രങ്ങൾക്ക് ആശങ്കയുണ്ട്. ഇസ്രയേല്‍ തലസ്ഥാനമായി തെല്‍ അവീവിനു പകരം ജെറുസലേമിനെ പ്രഖ്യാപിക്കുന്നതിനു എതിരെ അറബ് രാഷ്ട്രങ്ങൾ രംഗത്ത് വന്നിട്ടുണ്ട്. നയതന്ത്ര തലത്തിൽ 50 വര്‍ഷമായുള്ള അമേരിക്കയുടെ നിലപാട് പുതിയ പ്രഖ്യാപനം വന്നാൽ മാറും. ഇതു പലസ്തീനും മറ്റ് അറേബ്യന്‍ രാജ്യങ്ങളുമായുള്ള യു.എസ് ബന്ധത്തിലും പ്രതിഫലിക്കും.
വിഷയത്തിൽ അന്തിമ തീരുമാനം എടുത്തിട്ടില്ല.പക്ഷേ ഇതു സംബന്ധിച്ച നിർണായക പ്രഖ്യാപനം ബുധനാഴ്ചയുണ്ടാവുമെന്ന് വൈറ്റ് ഹൗസ് പ്രതിനിധി സൂചിപ്പിച്ചു. ജെറുസലേം മുസ്ലിംകളും ജൂതന്‍മാരും ക്രിസ്ത്യാനികളും പുണ്യഭൂമിയായി കരുതുന്ന സ്ഥലമാണ്. മൂന്നു മതസ്ഥരും കാലങ്ങളായി അവകാശമുന്നയിക്കുന്ന പ്രദേശം. ഇസ്ലാമിക ചരിത്രത്തിലെ പ്രധാനപ്പെട്ട അല്‍ അഖ്സ പള്ളിയും ഇവിടെയാണ്.
Post Your Comments