കൊച്ചി : സംസ്ഥാനത്തെ തീരദേശ ജനത ഓഖി ചുഴലിക്കാറ്റ് ഭീതിയിലാണ്. ഇവിടെ സ്വന്തം ജീവന്‍ പോലും പണയം വച്ചാണ് പോലീസുകാരുടെ പ്രവര്‍ത്തനം. ജനങ്ങളുടെ ജീവന്‍ രക്ഷിക്കാനായി പ്രതികൂല കാലവസ്ഥയെ അവഗണിച്ചും അവര്‍ പ്രവര്‍ത്തിക്കുകയാണ്. ഇതിന്റെ ഒരു ദൃശ്യം ഇപ്പോള്‍ സാമൂഹിക മാധ്യമങ്ങളില്‍ തരംഗമായി. കൊച്ചി ചെല്ലാനത്താണ് സംഭവം. കടല്‍ വീടുകളിലേക്ക് ഇരച്ചുകയറുന്നത് കണ്ട് ഭീതിയിലായ വൃദ്ധനെ ചുമന്ന് രക്ഷപ്പെടുത്തുന്ന പോലീസുകാരനെ പ്രശംസിച്ച് സാമൂഹിക മാധ്യമങ്ങളില്‍ നിരവധി ആളുകള്‍
രംഗത്ത് വന്നിട്ടുണ്ട്.
വൃദ്ധന്‍ പുറത്തിറങ്ങാന്‍ പോലും ഭയപ്പെട്ടിരിക്കുകയായിരുന്നു. പോലീസുകാരന്‍ വൃദ്ധനോട് നടന്നുപോയാല്‍ ജീവന്‍ നഷ്ടപ്പെട്ടേക്കാമെന്നും തന്റെ തോളത്തുകയറിക്കോളു എന്നു നിര്‍ദേശിച്ചു. വൃദ്ധന്‍ നടന്നു വരാമെന്നു പോലീസുകാരനെ അറിയിച്ചു. പക്ഷേ നടക്കാന്‍ കഴിയില്ലെന്നും തോളത്തുകയറിക്കോളാനും പോലീസുകാരന്‍ വൃദ്ധനോട് നിര്‍ദേശിക്കുകയായിരുന്നു.
Post Your Comments