കൈഫിനെ സൂപ്പര്‍മാന്‍ എന്ന് വിശേഷിപ്പിച്ച് സച്ചിൻ ടെണ്ടുൽക്കർ

ഒരുകാലത്ത് ഇന്ത്യന്‍ ക്രിക്കറ്റ് ടീമിന്റെ ഫീല്‍ഡിങ്ങിന്റെ മുഖമായിരുന്ന മുഹമ്മദ് കൈഫിന്റെ 37-ാം പിറന്നാള്‍ ആയിരുന്നു ഇന്ന്. താരത്തിന് ട്വിറ്ററില്‍ ആശംസയുമായി നിരവധി താരങ്ങളാണ് എത്തിയത്. സച്ചിൻ ടെണ്ടുൽക്കറും കൈഫിന് പിറന്നാൾ ആശംസിച്ചിരുന്നു. കൈഫിനെ സൂപ്പര്‍മാന്‍ എന്നാണ് സച്ചിന്‍ വിശേഷിപ്പിച്ചത്. നിമിഷങ്ങള്‍ക്കകം ക്രിക്കറ്റ് ദൈവത്തിന് നന്ദിയറിയിച്ചുകൊണ്ട് കൈഫും എത്തി.

സച്ചിനെ കൂടാതെ ഇന്ത്യന്‍ ക്രിക്കറ്റ് താരങ്ങളായ വിരേന്ദര്‍ സേവാഗും വി.വി.എസ്.ലക്ഷ്മണും സുരേഷ് റെയ്‌നയും തുടങ്ങിയവരും കൈഫിന് ആശംസ അറിയിച്ചിരുന്നു. ഇന്ത്യയ്ക്കായി 125 ഏകദിനങ്ങളും 13 ടെസ്റ്റുകളും കൈഫ് കളിച്ചിട്ടുണ്ട്. 2 സെഞ്ച്വറികളും 17 അര്‍ദ്ധ സെഞ്ച്വറികളും നേടിയിട്ടുണ്ട്.