രണ്ടര ലക്ഷം രൂപ സംഭാവന നൽകിയ യാചകിയെ പരിചയപ്പെടാം

മൈസൂരു: രണ്ടര ലക്ഷം രൂപ സംഭാവന നൽകിയ യാചകി പ്രശസ്തി നേടി. സീതാലക്ഷ്​മി എന്ന യാചകിയാണ് രണ്ടര ലക്ഷം രൂപ സംഭാവന നൽകിയത്. വർഷങ്ങളായി ഇവർ മൈസൂരിലെ വോണ്ടിക്കോപ്പല്‍ പ്രസന്ന ആഞ്​ജനേയ സ്വാമിക്ഷേത്ര നടയില്‍ ഭിക്ഷയാചിക്കുകയാണ്. വർഷങ്ങളായി ദാനം കിട്ടിയ തുക സ്വരൂപിച്ചാണ് വൃദ്ധ ഈ തുക സംഭാവന നൽകിയത്. ഇവർ സംഭാവന നൽകിയത് താൻ വർഷങ്ങളായി ഭിക്ഷയെടുത്തിരുന്ന പ്രസന്ന ആഞ്​ജനേയ സ്വാമിക്ഷേത്രത്തിനാണ്. ഈ ക്ഷേത്രത്തിനു മുന്നിൽ ഭിക്ഷ യാചിക്കുന്ന തനിക്ക് ഇതു ഭക്​തര്‍ തന്ന തുകയാണ്.ഞാൻ ദെെവത്തിൽ വിശ്വസിക്കുന്നു. ദെെവമാണ് തനിക്ക് എല്ലാം നൽകിയത്. ഇതു സൂക്ഷിക്കാനായി തനിക്കു സാധിക്കുകയില്ല. അതു കൊണ്ട് തന്നെ പരിപാലിക്കുന്ന ക്ഷേത്രത്തിനു തുക കൈമാറാന്‍ തീരുമാനിക്കുകയായിരുന്നു എന്നു സീതാലക്ഷ്​മി പറഞ്ഞു

85 വയസുകാരിയായ വൃദ്ധ ഗണേശോത്​സവത്തോടനുബന്ധിച്ച്‌​ 30,000 രൂപയും ആദ്യം നൽകി. പിന്നീട് രണ്ടു ലക്ഷം രൂപയും സംഭാവന ചെയ്തു. ക്ഷേ​ത്ര ട്രസ്​റ്റ്​ ചെയര്‍മാന്‍ എം. ബസവരാജ്​ സീതാലക്ഷ്​മി തന്ന തുക നീതിയുക്തമായി വിനയോഗിക്കുമെന്നും അവരെ സംരക്ഷിക്കുമെന്നും പറഞ്ഞു. സംഭവം വാര്‍ത്തയായി മാറിയതോടെ നിരവധി സീതാലക്ഷ്​മിക്ക്​ കൂടുതല്‍ തുക ദാനം ചെയ്യുന്നുണ്ട്.